ارزگان‌خاص؛ حکومت بی‌فرق یانده‌شگن

بامیان یشاوچی‎لری و مدنی فعال‎لری‎نینگ ایتیشیچه، ارزگان ولایتی‎نینگ ارزگان‎خاص تومنیده طالب‎لرنینگ تیینچ‎اهالیگه قرشی هجوم‎لری برابریده امنیتی نهادلر و جمهور باشلیغ بی‎فرق یانده‎شگن.

بوگون "چهارشنبه" بامیان مدنی فعال‎لری و یشاوچی‎لریدن اونلرچه‎سی بیر ناراضلیک نمایش یولگه قوییب، تیینچ‎اهالی‎گه قرشی هجوم و ارزگان‎خاص یشاوچی‎لریدن یوزلرچه‏سی‎نینگ بدرغه ایتیلیشی‎نی انسانی فاجعه عنوان قیلیب و ملی بیرلیک حکومتی‎ مسوول‎لرینی دقت سیزلیک‎که عیب‎لگنلر.

ناراضچی‎لرنینگ ایتیشیچه، طالب‎لرنینگ هجوم‎لری باشلنگن چاغ‎ده، حکومت چاره‎تدبیر کورگن بولسه‎ایدی اوشبو انسانی فاجعه یوز بیرمس ایدی.

بامیان مدنی فعاللریدن بیری وزیراحمد ستیزنینگ ایتیشیچه، ارزگان‎خاص تومنیده طالب‎لرنینگ هجومی باعث یوزلرچه عایله قوشنی تومن‎لرگه بدرغه بولگن و جدی همکارلیک‎که نیازی بار.

بامیان یشاوچی‎لری، خلق‎ارا نهادلری و افغانستان حکومتی‎دن تیینچ‎اهالی‎نینگ اولدیریش و مسکونی منطقه‎لرده اوروش‎نینگ دوام تاپیشی‎گه توسیق بولیشی‎نی سوره‎گنلر.

طالبان گروهی ایکی هفته آلدین ارزگان ولایتی ارزگان خاص تومنی‎نینگ حسینی، کندلان، کاریز و گردچمن منطقه‎لریده هجوم قیلیب نتیجه‎ده 70 تیینچ‎اهالی هلاک ایتیلیب و کمیده 400 عایله بدرغه بولگن.