.jpg)
بوگون «پنجشنبه» کابلده خبری ییغین اوتکزگن تینچ اهالینی سقلش و دادخواهلیک گروهینینگ ایتیشیچه، ننگرهار ولایتیده اوتگن 6 آی جریانیده 300 دن آرتیق تینچ اهالی هلاک و کمیده 700 کیشی یرهلنگن.
تینچ اهالینی سقلش و دادخواهلیک گروهی مسؤولی عزیزاحمد تسلنینگ ایتیشیچه، حکومت اوروش یکونلنیشی و تینچ اهالینینگ قربانلیگی آلدی آلینیشی اوچون چاره و تدبیر کوریشی لازم.
جناب تسل گه کوره، کیشیلردن کوپینچهسی خودکش و هوا هجوملر نتیجهسیده هلاک بولهدیلر و بو هجوملرنی کوپینچهسی داعش گروهی تامانیدن ریجهلنهدی. تسلنینگ کوپهیتیریشیچه، حکومت ننگرهار ولایتینینگ خوفسیزلیگینی حربی کوچلر آرقهلی تأمینلب، بو ولایتنی قماققه اوزگرتیرگن.
اونینگ کوپهیتیریشیچه، ننگرهار اوروشی استخباراتی شکلده حل ایتیلیشی لازم. مذکور گروه جمهور رئیسدن رسمیلرنی چیکلنتیریش جاییگه استراتیژی و برنامهلرنی اوزگرتیریشینی سورهگن.
تسل گه کوره، ننگرهار گلبدین حکمتیار رهبرلیگیده بولگن حزب اسلامینینگ اینگ کته قرارگاهی دیر، «بیراق اولر نیمه اوچون بو وضعیت توغریسیده تینچلیک اختیار قیلگن و نیمه اوچون هر بیر مرته اوشبو ولایت هدف گه آلینهدی و بو ولایتدن داعش گروهی نیمه گه نابود ایتیلمهیدی؟»
.jpg)
تینچ اهالینی سقلش و دادخواهلیک گروهینینگ ایتیشیچه، ننگرهار یشاوچیلری امنیتی تهدید و قورقینچ بیلن حیات کیچیرهدی و سونگی کونلرده شهرگه حاکم وضعیت اهالینی جدی شکلده خواطرگه سالگن.
بیراق، ملی مدافعه وزیرلیگینینگ ایتیشیچه، کیلهجک کونلرده ننگرهار ولایتینینگ امنیتی وضعیتی یخشی بولیشی ممکن و اولر مذکور ولایتنینگ خوفسیزلیگی تأمینلنیشی اوچون ایریم برنامهلرنی قولگه آلگنلر.
ننگرهار ولایتی سونگی آیلرده قانلی خودکش هجوملرگه گواه بولدی و ایریم پیتلر اوشبو ولایت بیر کون جریانیده نیچه خودکش و پارتلش هجوم گه دوچ کیلدی. سونگی ایکی کون آلدین، داعش جنگریلری مذکور ولایتنینگ مهاجرلر ریاستی اوستیگه هجوم قیلدی؛ بو واقعه نتیجهسیده 15 کیشی هلاک و باشقه شونچه کیشی یرهلندی. اوشبو هجوم سبب، جمهور رئیس مذکور ولایتنینگ خوفسیزلیک مسؤولیتینی حربی کوچلرگه تاپشیردی.
