مدنی جماعه چیلیک فعاللری و هنرمندلر اخیرگی وقتلرده افغانستان شمالی ولایتلریده یوز بیرگن قار کوچگیسی اینیقسه پنجشیر ولایتیده فاجعه گه سبب بولگن واقعه گه همکارلیک قیلیش نیتده اوتگن کون کابلده، خیابانی کنسرت اوتکزدیلر.
کنسرتده آواز خوانلر ایریم قوشیقلر اجرا قیلیش بیلن، اهالینی طبیعی حادثهلرده جبر کورگنلرگه یاردم بیریشگه چقیرگنلر.
مذکور کنسرتنی یولگه قویگنلردن بیری آثار حکیمی نینگ سلام وطندارگه بیلدیریشیچه، هنر فقط آدملرنی خرسند قیلیش اوچون ایمس، بیز بیر کنسرتنی اوتکزیش بیلن اهالیگه هنر، خلق درد و رنجی بیلن هم شریک ایکن لیگینی اثبات قیله میز.
اونینگ سوزلریگه کوره، بو کنسرت اوتکزیلیشی بیلن حادثهده جبر کورگنلرگه یاردم بیریلیشی انابتگه آلینگن. مذکور کنسرتده اشتراک قیلگن افغانستانلیک تَنیقلی سپورتچی نثار احمد بهاوی نینگ سلام وطندارگه بیلدیریشیچه، هر کیمسه اوز کوچ قوتیگه قدر پنجشیرلیکلرگه یاردم قیلیشی لازم.
او، اهالیدن هر قندهی یول بولمه سی جبر کورگنلرگه یاردم ییتکیزیب بیریشینی لازم دیگن. کنسرتگه کیلگن مدنی جماعه چیلیک فعاللردن بیری رامین انوری، اهالی برابریده یالغوز دولت مسؤول ایمس، خلق هم بیر – بیراویگه یاردم قولینی اوزه تیشی کیرهک دیگن.
اونینگ ایتیشیچه، بوندهی کنسرتلرنی ناراضیلیک تامانی بار بو قبیل کنسرتلر اوتکزیلیش بیلن پنجشیرده روی بیرگن حادثهده زیان کورگنلرگه یاردم ییتکزیب بیریلهدی. کنسرت اوتکزیلگن محلده نقدی پول ییغیش اوچون صندوقلر قوییلگن.
شونینگدیک کنسرت اوتکزگنلر ایریم تاجرلر آرقهلی جبر کورگن خانهدانلرگه کییم – کیچکدن عبارت اوی اوسکونهلری همکارلیک ایتیلگن.
اوتگن هفته پنجشیر، بدخشان، پروان، بغلان، ننگرهار، لغمان و نورستان ولایتلریدهگی قار کوچگیسی و سوو تاشقینلری نتیجه سیده 247 انسان حیاتدن کوز یومگن ایدی.
شونینگدیک بوطبیعی فاجعهده 100 دن آرتیق انسان آغیر و یینگیل یره لگن ایدی.
