اوشبو واقعه اوتگن کون «دوشنبه، 22- ثور» کیچ قورون فراه ولایتی نینگ بالابلوک تومنیده یوز بیرگن.
فراه پولیس قومندانلیگی سوزلاوچیسی محبالله محب نینگ سلاموطندار گه ایتیشیچه، اوشبو ولایت نینگ بالابلوک تومنی «شیوان» قیشلاغیده ایکی اولتیریش اوی گه توشگن نیچه هاوان نتیجهسیده 4 جان بیرگن.
اونگه کوره، بو راکتلر طالبان گروهی تامانیدن اولتیریش اویلرنی اوستیگه آتیلگن.
عین حالده، بالابلوک تومنی یشاوچیلریدن بیرقطاری نینگ ایتیشلریچه، بو واقعه ده ایکی اوسمیر و بیر باله هم یرهلنگن.
اولرنینگ ایتیشلریچه، نیچه راکت اویلری گه تامان آتیلگن و بو راکتلر ایکی اولتیریش اوی گه توشگن.
بالابلوک تومنی یشاوچیلری نینگ کوپهیتیریشیچه، حاضرگهقدر بو راکتلر طالبان گروهی یا-ده امنیتی کوچلر تامانیدن آتیلگنی معلوم بولمهگن. بیراق، اولر دولت دن بو واقعهنی تیکشیریشینی سورهگن.
طالبان گروهی نینگ ادعا قیلیشیچه، بو راکتلر امنیتی کوچلر تامانیدن آتیلگن، بیراق امنیتی کوچلر بو ایش طالبان تامانیدن بولگنینی ایتگن.
