بدخشان ولایتیده یوز بیرگن اوروشلردن بدرغه بولگن عایلهلردن بیرقطاری، طالبان گه قرشی امنیتی کوچلرنینگ تازهلش عملیاتلری و هوایی هجوملری و شونینگدیک، چیتایللیک تروریستلرنینگ باسیمی نتیجهسیده اوی و جایلرینی ترک قیلیب و حاضر کرایی اویلرده حیات کیچیرهدیلر و اولر تیریکچیلیک وضعیتی گه حکومت نینگ دقتسیزلیگیدن شکایت قیلیشگن.
بدرغهلرنینگ ایتیشیچه، ایکی آی نی آچ قارین و باشپناهسیز اوتکزیشگن، بیراق حاضرگهقدر اولرگه یاردم بیرووچی ادارهلر تامانیدن هیچ قندهی یاردم بیریلمهگن.
سلاموطندارگه صحبت بیرگن بدخشان ولایتی نینگ جرم تومنی ولسوالی احمدمیر جوادنینگ ایتیشیچه، یاردم بیرووچی ادارهلر تامانیدن بیریلگن یاردملر ییترلی ایمس دیر و اولر ساووق موسم ده بدرغهلرنینگ تیریکچیلیک وضعیتی یامان بولیشی خصوصیده بولگن خواطرلرینی محلی حکومت و یاردم بیرووچی ادارهلر بیلن شریک قیلیشگن.
بدخشان ولایتیده طبیعی حادثهلرگه قرشی کورهش ایشلری بوییچه اداره باشلیغی سیدعبدالله همایون دهقان نینگ ایتیشیچه، مذکور اداره تامانیدن بیر مینگدن آرتیق عایله گه یاردم بیریلگن، بیراق بو یاردملر بدرغهلرنینگ نیازلری برابریده ییترلی ایمس دیر.
اوروش بدرغهلریدن بیرقطاری، نیچه کون آلدین گچه، خیمهلر و درختلرنی آستیده تیریکچیلیک قیلردی و هوا ساووق بولگنی سبب، کرایی اویلر آلیب و هر بیر اویده چمهسی 10 عایله توپلم شکلده تیریکچیلیک قیلهدیلر.
بدخشان محلی مسؤوللری نینگ ایتیشیچه، خواطرلرینی مرکزی حکومت و باشقه یاردم بیرووچی ادارهلر بیلن شریک قیلیشگن و بو ادارهلردن تیزلیککه بدرغهلرگه یاردم بیریشلرینی کوتهدی.
شو توغریده…
بدخشان آوارهلری: طالبان ظلم قیلهده، محلی حکومت بیفرق یاندهشهدی
