افغانستان رادیو تلویزیونلر بیرلشمهسینینگ مسووللری، بعضی رسانهلر بیلمسدن مخالفلر منفعتیگه تبلیغ قیلهدی دیگنلر. بوگون بیر خبری ییغین اوتکزگن افغانستان رادیو تلویزنلر بیرلشمهسینینگ اجراییه رییسی کمیل میرشادبیگ، مملکت عاموی اخبارات واسطهلری بیلمسدن روحی کسللیک اورویشی گه کیرگن دیگنلر.
چناب بیگگه کوره، بعضی رسانهلر یایینی گه توشونماوچیلیک موجود و بو مساله ایسه دولت قوراللی مخالف لریگه روحیه بیرهدی. افغانستان رادیو تلویزیونلر بیرلشمهسینینگ اجراییه رییسی سوزلریگه کوره، مملکت اخبارات و مدنیت وزیرلیگی همکارلیگی بیلن یقینده تشکیل ایتیله دیگن مخصوص کمیسیون، بیلمس دن دولت قوراللی مخالفلری منفعتیگه تبلیغ قیله دیگن مدیا یایینینی تیکشریشگه باشلیدی.
شونینگدیک مملکت رادیو تلویزیونلر بیرلشمهسی نینگ اجراییه باشلیغی، اقتصادی کوچسیزلیک، سلبی رقابتلر، برق قیمتی یوقاریلیگی، فرکونسی اوچون دولتگه مالیه تولش و امنیتی تهدیدلر مملکت عاموی اخبارات واسطهلری قرشیسیده تورگن ییریک قیین چیلیکلردن دیگن.
.jpg)
عینحالده، افغانستان ایرکین عاموی اخبارات واسطهلرینی حمایت قیلووچی اداره رییسی صدیق الله توحیدینینگ سلاموطندار رادیوسیگه ایتیشیچه، مملکتدهگی مدیا نینگ زیانلریدن بیری توشینمسدن دولت قوراللی مخالفلری منفعتیگه تبلیغ قیلیش دیر.
جناب توحیدی، مملکتدهگی ایریم رسانهلرنی یایین لایحهسی بولمهگنلیگینی تیلگه آلگن. توحیدی، عاموی اخبارات واسطهلری ترورچیلیک حادثهلردن گزارش بیره دیگن چاغده قانوننی نظرده توتیش یانیده، اخلاقی اصولنی هم انابتگه آلیشی درکار دیگن.
اما، افغانستان ایرکین عاموی اخبارات واسطهلرینینگ باشلیغی، حکومت تامانیدن مدیانینگ یایینی تیکشیریلمسدن آلدین، رسانهلر اوزی بعضی اساسی اصوللرنی نظرده توتیشلری کیرهکلی توغریسیده تاکیدلهگن.
شونینگدیک ییغینده سوزه لهگن رادیو تلویزیونلر بیرلشمهسینینگ باشلیغی جناب بیگ، دولتدن رسانهلرنی هم حکومتنینگ باشقه ادارهسی صفتیده قبول قیلیب، اولردن برق خرجتی ساحهسیده همکارلیک قیلیشنی طلب قیلگن.
