بوگون ایرتهلب ساعت 8 اطرافیده افغانستان جمهور رییسلیک سرایی یوز مترلیگیده خودکش هجوم روی بیردی.
ایچکی ایشلر وزیرلیگی سوزلاوچیسی صدیق صدیقینینگ ایتیشیچه، اوشبو هجومده 4 کیشی عالمدن اوتگن و باشقه 13 کیشی یرهلنگن.
بیراق محل یشاوچیلری و عینی شاهدلر حادثهده اولگنلر سانینی ایچکی ایشلروزیرلیگی ایتگن ساندن کوره کوپراق دیدیلر.
یشاوچیلرگه کوره، خودکش هجومچی شخص ملی امنیت 10- ریاست ایشلاوچیلری ملازملرینی یوللاوچی موترینی هدف آلگن ایکن.
امنیتی رسمیلرنینگ معلوماتیگه کوره، بوبارهده تیرگاو باشلنگن و تیزلیکده رسانهلرگه انیق معلومات بیریلهدی.
حاضرگه قدر حادثه مسؤولیتینی کیشی یا گروه اوز بوینیگه آلمهگن.
