مملکت جنوب شرق حوزهسی مردمی کینگشی، امنیتی کوچلردن حمایت بیلدیریب، مملکتده ملیشه توزهتیش کیلهجکیدن خواطر بیلدیرهدی.
اوشبو کینگش اعضاسی (چهارشنبه کون)، کابلده حاضرگی و ضعیت و ییچیم یوللری خصوصیده ییغین اوتکزیب ایتیشیچه، شمال و باشقه بیرقطار ولایتلرده ناتینچلیکلر کوپهیگنی خواطرلرگه سبب بولگن. اولرگه کوره، سابق جهادی قومندانلر و بیرقطار زورهوان کیشیلر قدرتلرینی خطرگه کوریب، خلق ایچیده قورال ترقتهدی.
اولرنینگ ایتیشیچه، بو ایش افغانستاننی ایچکی اوروشگه تارتیب و تیزیمنی خطرگه روپهره قیلهدی.
حربی ایش بیلرمانلردن بیری عتیقالله امرخیلنینگ اوشبو ییغینده ایتیشیچه، افغانستان بویلب امنیتی کوچ، حکومت و تیزیم موجودلیگیده، گروه توزهتیشگه قول اورهدیگن کیشیلر ملی منفعت اورنیده، شخصی منفعتنی ایزلهیدی.
باشقه تاماندن، شونینگدیک خوست و ننگرهار ولایتلری قطار مدنی فعاللری، دین عالملری و قوم بویوکلری (چهارشنبه کون) بیر ییغینده امنیتی کوچلردن حمایت بیلدیرگن. اوشبو ایکی ولایت یشاوچیلرینینگ معلوم قیلیشیچه، تروریستی گروهلرگه قرشی کورهشیش خصوصیده امنیتی کوچلرگه یاردم بیرهدیلر.
ننگرهارده اوتکزیلگن ییغینده نمایندهلر کینگشی بیرینچی اورین باسری ظاهر قدیرنینگ ایتیشیچه، اولر امنیتی کوچلرگه یاردم بیریب، تروریستی گروهلرگه قرشی کورهشهدی.
شونینگدیک جنوب شرق حوزهسی مردمی کینگشی، مملکت جمهور رییسی و اجراییه باشلیغیدن ملیشه توزهتیش برابریده تینچلیک اختیار ایتمسلیکلرینی سورهب و تیزلیکده بوندهی بیرحرکتلر آلدی آلینیشینی ایستهگن.
اوشبو کینگش اعضالری شوندهی حالده، طالبلرگه قرشی خلق قورال آلیشی و ملیشه توزهتیلیشی خصوصیده خواطر بیلدیرهدی کیم، سونگی کونلرده ننگرهار، لوگر، تخار، فاریاب و بغلان ولایتلرینینگ یشاوچیلریدن بیرقطاری طالبلرگه قرشی قورال آلیب و شونینگدیک دولتدن بو توغریده یاردم بیریشینی سورهگن.
