جوزجان ولایتی نینگ قرقین تومنیده 100 دن آرتیق حربی عسکر طالبان گروهی نینگ قمراویده قالگن.
قرقین ولسوالی شکورالله جاهد نینگ سلاموطندارگه ایتیشیچه، اوتگن کیچه طالبان گروهی مذکور تومنده خوفسیزلیک کوچلری نینگ پوستهلری اوستیگه هجوم قیلیب ساحهنی حربی کوچلرگه تار قیلگن و شونینگدیک، تومن بناسینی قمراوگه آلگن.
جناب جاهدگه کوره، حربی کوچلر و طالبان گروهی آرهسیده آتیشمه دوام ایتماقده و بو گروه قرقین گه باشقه تومنلردن یاردمچی کوچ چقیرگن.
قرقین ولسوالی نینگ آگاهلنتیریشیچه، خوفسیزلیک مسؤوللری تیزلیککه بو توغریده چاره تدبیر کورمهگن صورتده، بو تومنده انسانی فاجعه یوز بیریشی ممکن.
جوزجان پولیس قومندانلیگینی سوزلاوچیسی احمد مسعود ندیم، قرقین تومنیده خوفسیزلیک کوچلری و طالبان گروهی آرهسیده آتیشمه یوز بیرگنینی تصدیقلیدی؛ بیراق ایتیشیچه، حربی کوچلر قمراوده قالگنی توغریسیده حاضرگچه اولرگه گزارش ییتیشمهگن.
طالبان گروهی هم بو توغریده میدیاگه هیچ نرسه دیمهگن.
