کنر محلی مسؤوللری نینگ ایتیشیچه، مذکور ولایت نینگ دانگام تومنیده پاکستان حربیلری افغانستان توپراغی گه 300 متر ایلگری کیلیب و بو تومنده ماین ییرلشتیرگن.
دانگام ولسوالی محمدرحمان دانش نینگ ایتیشیچه، خلق ارا قاعدهلری گه قرشی پاکستان حربیلری، مذکور تومن نینگ 300 متر توپراغیده ماین توشهگن.
جناب دانش گه کوره، اوشبو تومنده ماین توشهلگنی باعث، محل یشاوچیلری بو ولایت نینگ باشقه تومنلری گه باریب کیله آلمهیدیلر.
اونینگ کوپهیتیریشیچه، بو موضوع نی مرکزی حکومت بیلن شریک قیلگن، بیراق حاضرگهقدر بو توغریده دقت قیلینمهگن.
شونینگدیک، دانگام یشاوچیلریدن بیرقطاری نینگ ایتیشیچه، پاکستان حربیلری مذکور تومن نینگ کوپینچه قسمتلریده ماین توشهگن. اولرگه کوره، اوشبو ماینلر پارتلهشی عاقبتیده، تومن یشاوچیلریدن بیرقطاری هلاک و ماللری تلف بولگن.
کنر ولایتی نینگ دانگام تومنی یشاوچیلری، حکومت دن بو موضوع توغریسیده تیزلیککه پاکستان حکومتی بیلن مذاکره قیلیب و مذکور مملکت حربیلری تامانیدن ماین ییرلشتیریلگنی خصوصیده، موقفی معلوم قیلینیشینی سورهگن.
شو توغریده…
کنرده افغانستان و پاکستان حربیلری آرهسیده یوزبیرگن آتیشمهده 3 کیشی جان بیرگن
