امنیتی بیر منبع نینگ ایتیشیچه، ملی اردو عسکرلریگه تیگیشلی بولگن قیش کییملری طالبان نظارتیده بولگن منطقهده تشلنگن.
اوشبو منبع نینگ کیملیگی سیرقالیشنی ایستهب سلاموطندارگه ایتیشیچه، جوزجان ولایتی نینگ درزاب تومنیده 360 قیش کییمی بولگن ایکی بسته ملی اردو تیک اوچرلری تامانیدن طالبان نظارتیده بولگن منطقهده تشلنگن.
منبع نینگ ایتیشیچه، اوشبو کییملر درزاب تومنیده طالبان گروهیگه قرشی عملیات قیلیش اوچون قرار قیلگن حربی کوچلرگه تیگیشلی ایکن.
امنیتی مسووللر بو ادعانی رد قیلهدی. ملی مدافعه وزیرلیگی سوزلاوچیسی نینگ اورین باسری زبیر عارف نینگ ایتیشیچه، امنیتی کوچلرنینگ تجهیزات و محمولهلری منظم برنامه آرقهلی ولایتلر و تومنلرده انتقال بیریلهدی.
جناب عارفگه کوره، حاضرگهقدر امنیتی کوچلرگه تیگیشلی بولگن بستهنی طالبان نظارتیده بولگن منطقهده توشگنی خصوصیده معلومات قولگه کیریتمهگنلر.
بوتوغریده طالبان فکرینی آلیش اوچون سعی و حرکت قیلدیک، بیراق طالبان سوزلاچیسی بو موضوع تکشیریلگنیدن سونگ، نتیجه اعلان ایتیلیشینی بیلدیردی.
