سلاموطندارنینگ قولگه کیریتگن حجتلری کورسهتیشیچه، ایران دولتی سوریه اوروشیده هدفگه ییتیش اوچون کوپ زمانلردن بیری افغان قاچقینلریدن استفاده قیلرکن. ایران لبنان حزبالله گروهیگه یاردم بیریشی بیلن عراق شیعهلریدن بیرقسمی، پاکستان و افغانستان شیعه مذهب قاچقینلرینی بشار اسد دولتیگه قرشی یوبارگن.
احمد – بو اسم مستعار دیر – ایراندهگی افغانستانلیک قاچقینلردن بولیب، 14 آیدن بیری سوریه اوروشیده اشتراک ایتهدی و ایرانلیکلر باشقرهدیگن اوروشده میرگن صتفیده وظیفه بجرگن. او سوریهده قیلگن سفرینی فقط حضرت زینب مقبره سینی زیارت قیلیش بولگن و ایتیشیچه، باشلهنیشده اوروشگه علاقهسی یوق ایکن؛ اما داعش قانداشلریمنی اولدیریشینی چیده آلمسدن، اوروش جبههلریگه باردیم و داعشیلرگه قرشی اوروشدیم. شوحاضر احمد سوریه اوروشیگه قیته باریش اوچون تیارگرلیک کورهدی.
احمدنینگ ایتیشیچه، ایران نینگ اصفهان شهریده «رضایی» ناملی شخص تامانیدن سوریه اوروشیگه کیتیش اوچون تعیین ایتیلگن. ایلکبار احمد آت قارهلش اوچون اصفهانده جایلشگن ساداتآباد یولیده ییرلشگن «افشین دیجیتال» عکس آلهدیگن ییرده بارهدی و کیین تهراندهگی ورامین ناملی مالک اشتر نظامی مرکزیده معرفی بولهدی و باشقه یوزکیشی افغان قاچقینلری بیلن 15 کونگه قدر حربی تعلیمات کورهدی. او باشقه افغان قاچقینلر بیلن حربی تعلیمات کورگندن سونگ، یولاوچی ایلتهدیگن اوچقیچگه سوریه انتقال بیریلهدی.
احمد دمشق هوایی قونالغه سیدن یریم ساعت اوزاغده ییرلشگن حربی مرکزده 25 کون لبنان حزبالله گروهی حربی تعلیماتینی کورهدی تا حرفهیی میرگن بولسه. اونینگ ایتیشیچه، «بیز سوریهده قورال بیلن اولدیریشنی عملی و تیوریک شکلیده استفاده قیلیشنی اورگندیک».
احمد سوریهده اونگه بیریلگن ایکی قطعه معرفت کارتنی هم اوزی بیلن بیرگه آلیب یورهدی. بو کارتلر آلدی و کینیگه نیچه سریالنمبرلر یازیلگن. ایکله کارت آلدی و کینیگه احمدنینگ عکسی هم بار. احمدنینگ ایتیشیچه، بو سریالنمبرلردن ایکیتهسی، اونینگ سوریهده ایشلهتیب یورگن قوراللرینی انیقلنتیرهدی و باشقه سریالنمبر ایسه اونینگ ایران و سوریهده تانیتهدیگن سانلر دیر.
کورینیشیچه، بوکارتلر اصفهان شهریدهگی «افشین دیجیتال» عکاسخانه سیده، مشریلر عکسینی چاپ قیلیش نیتیده بولگن. اما احمدنینگ ایتیشیچه، او و اورتاقلری اوشبو عکاسخانهده معرفی بولگن ایکنلر تا شوییرده عکسلری آلینیب و کیملیکلری ثبت ایتیلسه. سلاموطندار گزارشگری افشین دیجیتال عکاسخانهسی بیلن تماس آلهدی و حقیقت تاپیش اوچون بونقه دیب سوریدی: «ایناغم سوریه اوروشیگه کیتگن. اورتاقلری سیزنی آدرسینگیزنی مینگه بیردیلر و بیزلرحقیمیزده شوییردن معلومات آلسنگ بولهدی دیگندیلر».
تیلفون آرقهلی جواب بیرهدیگن شخص، حیرتلنمهیدی و گزارشگرنینگ خیالی ایناغهسی بارهسیده سوریدی؛ آلدیندن شونقه سوراقلر اوندن بولگندیک. انچه جیم قالیشی بیلن «جناب ادهشگن ایکن سیز، بوییرده بونقه کیشی یوق» دیدی.
اما کابلدهگی ایران ایلچیسی محمدرضا بهرامی آیا ایران دولتی افغان قاچقینلرنی ایراندن سوریه اوروشی اوچون عسکر آلهمی یا یوق؟ دیگن سوراق جوابینی بوندهی بیرهدی: «بوبارهده ایران دولتی هیچ قنقه فعالیت اوتکزمه گن و افغان قاچقینلرینی باشقه اولکهلرده ایران دولتی تامانیدن ایشگه آلینگنلیگی بیزده انیق ایمس و بولمسلیگی هم ممکن».
اما آتی توتیلیشینی ایستمهگن افغانستان دولتینینگ امنیتی مسؤوللریدن ایریمی، بوکارتلرنی اصلی بولگنلیگینی تأیید قیلهدیلر و بو بارهده کوپلب حجتلر بارلیگینی بیلدیرهدیلر و مذکور حجتلر افشا ایتمسلیک دلیللری هم شوحاضرگی ایراندهگی 2.5 میلیون افغان قاچقینلری اوچون بولگن. اولرنینگ ایتیشلریچه، واقعیتده افغان قاچقینلری ایران قمراویگه قالگندیک و بوبارهده افغانستان دولتی اقدام قیلگن زمان، قاچقینلر باسیمده آلینیشی ممکن.
مشهد، قم، اصفهان و تهران ولایتلری افغان قاچقینلرینی سوریه اوروشیگه یوباریش اوچون اصلی جلب و جذب قیله دیگن مرکزلردن سنلهدی و ایران دولتیگه یاردم بیرهدیگن افغان قاچقینلر اوچون مادی امتیازلر نظرده توتیلهدی.
موضوعنی اثبات قیلهدیگن حجتلردن بیری، مشهد افغانستان قاچقینلر بولیمیدهگی اتشه نبیالله صمدینینگ خراسان رضوی قاچقین و اتباعلری بوییچه عمومی مدیر جناب محمد عجمی بیلن ۲۷/۳/۱۳۹۴ تاریخده اوتکزگن جلسه صورتی نینگ کورسهتیشی دیر. اوشبو حجت نینگ کورسهتیشیچه، ایران دولت افغانستان قاچقینلر عایله سیگه تورلی امتیاز بیریشی بیلن ییگیتلرنی عسکر آلهدی.
بو حجت بیرینچی مادهسیده، خراسان رضوی دهگی افغانان قاچقینلری بارهسیده کیلتیرگن تخفیف کارتیده بوندهی کیلگن: «بیرینچی درجهده بولگن اعضالر(آته، آنه، خاتین و اولادی) بنیاد شهید حجتی بیلن شهیدلر حرمتلی عایله سی بولهدی و ایثارگرلردن». و 15- مادهسیده: «کوره شچیلرنینگ 6 آیدن آشهراق حق اوچون باطلگه قرشی کورهشیش نیتیده جبههلرده حضور تاپسه، 50 فایز حجت یوزهسیدن امتیاز بیریلهدی».
بیرینچی مادهده، اوشه شهیدلر عیاله سیگه اشاره قیلهدی که اصلأ قه ییرده و نیمه اوچون اولگنلیگی انیق ایمس؛ شونینگدیک 15 مادهده ایسه حق اوچون باطلگه قرشی کورهشیش ایتیلگن، بو اوزی سوریه اوروشیده قاچقینلرنی اشتراکینی کورستهدی.
کابلدهگی ایران ایلچیسی هم افغان قاچقینلریدن بیر تعدادینی ایران دولتی سوریه اوروشیگه باریشلرینی حرمت بیرهدی دیب بیلهدی.
بو ایران دولتی تامانیدن سوریه اوروشیده قتنشگن قاچقینلر اوچون بیریلهدیگن امتیازلر بیرقسمی دیر، کوزگه توتیلگن.
احمدنینگ ایتیشیچه: «بیز هر آیده، ایکی میلیون تومن قولگه کیلتیرهمیز و هر ایکی آیده سوریه اوروشیده اشتراک ایتهمیز، بیر آی تعطیل ایدیک و بو مدتده هم آیلیگیمیز بانکی حسابیمیزگه کیلردی».
هرکیمنی سوریه اوروشی اوچون ایکی میلیون تومان وسواسگه سالهدیگن پول ایمس. افغان قاچقینلریدن کوپیسی اقامت کارتینی قولگه کیریتیش و یاهم بالهلرینی ایران مکتبلریده شامل بولیشی اوچون اوروش قیلیشگه تن بیرهدیلر.
افغانستانده، ناتینچلیک، قشقالیک و ایش سیزلیکلر باعث اولکه یشاوچیلری قوشنی اولکهلرده مهاجرت یمان شرایطلرینی هم اوز اولکهلریدن کوره یخشیراق بیلهدیلر؛ اما قوشنی اولکهلر نینگ ایدیولوژیک و مذهبی سیاستلری هم افغان قاچقینلرینی قربان قیلهدی.
