خلق ارا ساغلیق تشکیلاتی نینگ افغانستانده سرطان کسللیک بارهسیده ییللیک تخمینی تاپیشلری 20 مینگ مرته بولگنلیگینی کورستهدی، بو ساندن 7 مینگی کوکرهک سرطانی دیب ایتیلگن.
شونینگدیک افغانستاندهگی مذکور تشکیلات رسمیلری نینگ ایتیشیچه، بیریلگن سان انیق ایمس و کوپهیش خواطری موجود.
چهارشنبه کونی افغانستاندهگی خلق ارا ساغلیق تشکیلات باشلیغی دکتر ریچارد پیپرنینگ «ایمچک سرطانی آلدینی آلیش اوچون اوتکزیلگن کمپاینده» ایتیشیچه، افغانستانده ایمچک کسللیگی اوتمیش ایکی دهه گه قرهگنده ایکی برابر بولگن.
ساغلیقنی سقلش وزیری فیروزالدین فیروزگه کوره، خلق آگاهسیزلیگی و افغانستانده کوکرهک سرطانی تیزلیکده تانیلمهگنلیگی باعث کوپلب عیاللر بوکسللیکدن جان بیرگن.
جناب فیروزنینگ ایتیشیچه، ساغلیقنی سقلش وزیرلیگی افغانستانده کوکرهک سرطانی آلدینی آلیش اوچون ایکی برنامه باشلهگن؛ خلق آگاهلنتیریشی و ساغلیقنی سقلش ایشلاوچیلری نینگ ظرفیتی کوتریلهدی.
جناب فیروزنینگ ایتیشیچه، ساغلیقنی سقلش وزیرلیگی افغانستانده کوکرهک سرطانی آلدینی آلیش اوچون ایکی برنامه باشلهگن؛ خلق آگاهلنتیریشی و ساغلیقنی سقلش ایشلاوچیلری نینگ ظرفیتی کوتریلهدی.
باشقه بیرتاماندن، اوشبو اولتیریشده قتنشگنلر سرطان کسللیگی تانیلیشی اوچون خاص کسلخانهلر توزهتیلیشینی تقاضا قیلهدیلر، اولرگه کوره، سرطان کسللیگی تانیلیش اوچون خاص کسلخانهلر بولمهگنلیگی باعث کسللر اولکهدن تشقری کیتهدیلر.
بیر ییلدن بویان کوکرهک سرطانیگه یولیقگن فاطمه بختیارنینگ ایتیشیچه، اونینگ کسللیگی افغانستان داکترلری تامانیدن انیقلنمهگن حالده، کسللیگینی تاپیش اوچون تشقی اولکهلردن بیریگه کیتگن ایکن.
خانم بختیار ساغلیقنی سقلش وزیرلیگیدن، رسانهلر و کسلخانهلر تامانیدن کوکرهک سرطانی بارهسیده عیاللرگه معلومات بیریشلرینی ایستهیدی. او عیاللرگه قرهتیب، مذکور کسللیک کورینیشی بیلن تیزلیکده داکترگه باریشلرینی بیلدیرهدی.
بیرلشگن ملتلر تشکیلاتی نینگ گزارشیگه قرهگنده، 2012- ییلده دنیا بویلیب 3 میلیون انسان سرطان کسللیگیگه یولیقگن ایکنلر و بولردن بیر میلیوندن آشهراغی کوکرهک سرطانی ایتیلگن.
ایمچک سرطانی عیاللر ایچیده رایج بولگن کسللیک بولیب، کوپینچه 45 یاشدن کیین عیاللر آلدیگه تاپیلهدی. اوشبو کسللیک علامهلری، کوکرهک یرهلنیشی یا شیشیب چیقیشی، قولتیق آغیریغی، بلاغتگه ییتگنده شکل اوزگریتیریشی، کوکرهک اوچیدن سوو چیقیشی، ایمچک اوچی نینگ تورخی اوزگریشی و ایچکریده کیتیشی و ایمچک تیریسی قیزهریشی بیلن کورینهدی.
