.jpg)
محلی رسمیلرگه کوره، بغلان ولایتینینگ دندغوری منطقهسینی کوپینچه ییری اوتگن «چهارشنبه کیچه» قوراللی طالبلرنینگ نظارتیگه اوتگن.
بغلان ولایت کینگشینینگ اعضاسی بسمالله عطاش، دندغوری سقوطی توغریسیده اشاره قیلیب، اوشبو ولایت محلی رسمیلرینینگ بی فرق یاندهشیشگه عیبلب ایتیشیچه، اوشبو منطقه بیر آی آلدین، امنیتی کوچلر تامانیدن تازهلنگن ایدی. بو عملیات مالی زیاندن تشقری، امنیتی کوچلرگه جانی زیان هم ییتکیزگن. بیراق، منطقه قوراللی طالبلردن تازهلنگنیدن کیین، دندغوریده امنیت برقرارلیگی توغریسیده بی فرق یاندهشیلیب و منطقهنی اوز حالیگه قویگن.
اوشبو ولایتی کینگش نمایندهسینینگ آگاهلنتیریشیچه، امنیتی کوچلر دندغوری و دندشهابالدین منطقهسیده قوراللی طالبلرگه قرشی ییر و هوا تامانیدن کینگ حربی عملیات یولگه قویمهگن صورتده، یقین آرهده بغلان ولایتینینگ مرکزی پلخمری شهری هم قوراللی طالبلرنینگ نظارتیگه اوتیشی ممکن.
بغلان ولایتینینگ محلی رسمیلری، حاضرگچه دندغورینینگ سقوطی توغریسیده هیچ نرسه دیمهگن؛ بیراق قوراللی طالبلر میدیاگه پیام یوباریب، اوشبو توقنهشووده 7 محلی پولیس اولگنی و امنیتی کوچلرنینگ بیر تانکی یاندیریلگنیدن خبر بیرگن.
بغلان ولایتینینگ دندغوری منطقهسی، نیچه کون آلدین، دندشهابالدین منطقهسی بیر توقنهشوو نتیجهسیده قوراللی طالبلرنینگ قولیگه اوتگن بیرچاغده، مذکور گروهنینگ قولیگه سقوط قیلگن.
