فاریاب خلقی صنعت، فرهنگ ومدنیتینی تانیشتیریش اوچون بوگون ولایت مرکزی میمنه شهریده خطاطلیک، نقاشلیک و خوش نویسلیککه عاید هنری اثرلر کورگزمهگه قوییلدی. کورگزمه گه قوییلگن اثرلرده، اوروش، انتحار و مکتبلرنی کویدیریش تصویرگه آلینگن.
ولایت اخبارات و مدنیت ریاسیتینینگ رییسی سیدعبدالرشیدنینگ ایتیشیچه، مذکور کورگزمهده 20دن آرتیق رسماملیک، خطاطالیک و نقاشلیک شامل اثرلر نمایش گه قوییلگن.
اوشبو کورگزمهده 12 هنرمندنینگ اثری بیر هفتهگه کورگزمهگه قوییلهدی. جناب منصور، یقین کیلهجکلرده فاریابلیک هنری استعدادلرنی کشف قیلیب، مذکورولایت صنعتچیلری اثرلری ملی سویهده کورگزمهگه قوییلهدی دیگن.
کورگزمهده 12 صنعتچینینگ اثری کورستوگه قوییلگن. اوشبو کورگزمه اشتراکچیلر تامانیدن قیزیق کوتیب آلینگن. کورگزمهده اشتراک قیلگنلرنینگ سلام وطندارگه ایتیشلریچه، بوندی کورگزمهلرنی اوتکزیش ولایت تورلی صنعتلرینی کوچلنتیرهدی.
عینحالده، فاریابلیک صنعتچیلر، ولایتدهگی صنعت وضعیتیدن ناراضیلیک بیلدیرگنلر. اولرگه کوره، حکومت مسؤوللری صنعتی هنرلرگه اعتبار بیرمیدی.
فاریابلیک صنعتچیلر، هنری ساحهگه اعتبار قرهتیلمهگن حالده، ولایتنینگ صنعتی اثرلری جدی زیان کوریشی ممکن دیگنلر. فاریاب ولایت مرکزی میمنه شهری افغانستاننینگ باستانی شهرلری جملهسیدن سنلهدی. عین حالده، اوروش، قشاقلیک، ایشسیزلیک، نابرقرارلیک ولایت صنعتچیلری اوچون ایریم چیکلاولر یرهتگن.
