– اگست 21- اسدگه توغری خلق ارا یاشلر کونی بیلینهدی. افغانستان دنیا بویلب ایکینچی یاش مملکت بولیب (چهارشنبه کون) خلق ارا یاشلرکونینی نشانلهدی. بوگون شوپیتده کوتیب آلینماقده دیرکیم، مملکتده ایش سیزلیک وقشاقلیک چوقیسیگه ییتیب بارگنی باعث، یاش-ییگیتلرمملکتدن قاچیب چیقیشگه یول قیدیرهدی.
کیفیتلی اورگهنیشدن محروم بولگنی، ایشسیزلیک، ناتینچلیک، اوروش و اجتماعی قیینچیلیکلر سبب افغانستان یاشلری دینگیزگه تن بیریب و قولی بیرحیاتگه ییریشیش اوچون تاغ، دشت و دینگیزنی کیزیب اوتهدیلر.
انچه ییللردن بویان افغانستان بیرینچی قاچقینی کوپ بولگن مملکت سنلهدی. ییلده افغانستان قاچقینلریدن اونلرچهسی قوشنی مملکتلر و اروپا چیگرهلریده جان بیرهدی و یوقاری خرجت بیلن قیتهدن افغانستانگه قیتهدی.
دیمک سیلاو کمپاینی جریانیده جمهورلیک ریاستی نامزدلری یاشلر ایشلری بوییچه جدی صورتده، دقت قیلیشلری توغریسیده یوقاری شعارو وعدهلر بیرگن ایدی، بیراق حاضرگی وضعیتگه قرهگنده، اوشبو وعدهلر اورنیده امیدسیزلیک یاشلر بیلن بیرگه بولیب قالگن.
اجراییه ریاستی ایکینچی اورین باسرلیک دفتری باشلیغی سردارمحمد رحیمی، کابلده اوتکزیلگن یاشلر خلق ارا کونیدن نشانلش مراسمیده حضور تاپیب ایتیشیچه، مملکت جمعیت کوپینچهسینی یاشلر تشکیل بیرهدی، بیراق سیاست و اقتصاد بوییچه اولرنینگ حضوری کملیگی خواطرلی دیر.
جناب رحیمینینگ ایتیشیچه، یاشلر اقتصاد و سیاستنی حرکت بیرهدیگن کوچ، افغانستان ادارهلریده حضوری کملیگی، زیان شناسلیککه احتیاجی بار.
جناب رحیمیگه کوره، افغانستان یاشلری کوچسیز بولگن و کوچسیزلیکلرنی برطرف ایتیشگه سعی و حرکت قیلیشلری لازم. اونینگ ایتیشیچه، یاشلر آگاهلیکده عمل قیلیب و بیرقطار رهبرلرنینگ آلقیشلری و سوزلریگه امید قیلمسلیکلری کیرهک.
عین حالده، بیرقطار یاشلرنینگ ایتیشیچه، ملی بیرلیک حکومتی ایجاد ایتیلگنیدن بیر ییل اوتیب بارماقده، بیراق حاضرگچه یاشلر اوچون ایرکین وزیرلیک ایجاد ایتیلیشی توغریسیده بیریلگن سوز عملگه آشیریلمهگن.
اوشبو یاشلرگه کوره، ایشسیزلیک، قشاقلیک و درس و تعلیمدن محروم بولگنلری باعث، تشقی مملکتلرگه تامان یول آلهدیلر.
اقتصاد وزیرلیگی رقمیگه کوره، مملکت نفوسیدن 63 فایزنی یاشلر تشکیل بیرهدی و افغانستان یاشلر جمعیتی میزانیگه قرهگنده، دنیا بویلب ایکینچی مملکت دییلهدی.
