کندهار پولیس باشلیغینینگ ایتیشیچه، تشقی اولکهلر استخباراتی؛ تینچلیک نامی بیلن افغانستان صادق رسمیلرینی اوز هدفیگه ییتیش اوچون قارهله ماقچی.
یکشنبه کون13- ثور ده کندهار پولیس باشلیغی عبدالرازق، ینگی والی معرفی ایتیلیش مراسمیده سوزگه چیقگنده حکومتگه خطاب قیلیب ایتیشیچه، «اولکه و خلقنی تینچلیک نامی بیلن قربانلیک قیلمنگ».
جنرال رازقنینگ ایتیشیچه، قولیدهگی حجتلر کورسهتیشیچه، تشقی اولکهلر استخباراتی افغانستان امنیتی کوچلرینی ساتیب آلیب، اوزنفعلریگه ایشلتماقچی.
بومراسمده حکومت اجرایی ریاست باشلیغی داکتر عبدالله عبدالله هم بار ایدی. جنرال رازق اجرایی رییسگه اشاره قیلیب ایتیشیچه، قولیدهگی ویدیو حجتلرگه کوره، نفوذلی کیشیلر ترور ایتیش طرحی مذکور حجتده کورسهتیلگن.
اونینگ کوپهیتریشیچه، حتی خلق و اولکهگه خدمت قیلیش جرم هم دییلسه و حکومت مذکور جرم اوچون جزاهم تعیین قیلسه، بیگانهلر قولیدن اولیش اجازه سینی بیرمیدی. جناب رازق ایتگن سوزلریم توغری چیقسه؛ اولکه بویلب ناتینچلیکلر حاکم بولهدی دیدی.
ملی بیرلیک حکومت اجرایی رییسی داکتر عبدالله عبدالله بو امنیتی مقام سوزلریگه قرهتیب ایتیشیچه، افغانستان ملی منفعیتی خطرده قالگن بیر پیتده هیچ بیر زمان اونقهسی تینچلیکگه تن بیرمیدی.
جناب عبدالله، باشقه اولکهلرگه ضرر ایتکیزمهیدیگن و افغانستان خلقینینگ نفعگه بولگن تینچلیک ایزیدنمیز دیگن.
بوسوزلرشوپیتده ایتیلهدی که شو حاضر اسلامی حزب، طالبلر اعضاسی و اولکه تینچلیک کینگشی نمایندهلری ارا قطرنینگ دوحه شهریده پگواش ناملی نهاد کوششی بیلن دوام ایتماقده.
شونینگدیک تینچلیک یوکسک کینگشی و طالبلرنینگ ایتیشیچه، مذکور سوزلهشیشلرنی غیر رسمی بیلهدیلر و قتنشگنلر تینچلیک توغری سیده اوز شخصی نظرلرینی ارایه قیلهدیلر.
