سیلاولر تیزیمیگه اصلاحات کیریتیش کمیسیون ایشینینگ بیر بولیمی اوز پایانیگه ییتیدی. اوزاق مدت آلیب باریلگن بحثلردن کیین سیلاولر تیزیمیگه اصلاحات کیریتیش کمیسیون اوز طرحینی جمهور رییس و اجراییه باشلیغیگه تقدیم قیلیشگه موفق بولدی. جمهو رییس هم بیر فرمان صادر قیلیش بیلن کمیسیون تامانیدن تکلیف ایتیلگن اون مورد دن ییتی موردینی تصدیقلهدی.
سیلاولر تیزیمیگه اصلاحات کیریتیش کمیسیون تکلیفلری قبول ایتیلیشی مذکور کمیسیون نینگ قیلگن ایشلری بوتونلی جمهور رییسلیک سرایی و سپیدار قصری تامانیدن تصدیق لنگنلیگینی کورستهدی. اما حیرتلیسی بونده کیم جمهور ریسلیک سرایی افغانستان سیلاولر مسقتل کمیسیونیگه سیلاولر تیزیمیگه اصلاحات کیریتیش کمیسیون تکلفی اساسیده پارلمانی سیلاولر اوتکزیلیش زمانینی انیق ایتیش اوچون وظیفه بیرگن.
جمهور رییسغنی و اجراییه باشلیغی داکتر عبدالله اورتهسیده امضالنگن سیاسی کیلیشووده، سیلاولر قانونی اصلاح ایتیلیشی و هم سیلاولرنی اوتکزیش ادارهلرگه اوزگریش کیلتیریلیشی کیرهک ایدی. عامه خلق فکریده افغانستان جمهور رییسی سیلاولر مستقل کمیسیون بلند مرتبهلی رسمیلرینی ایشدن آلیب و اجراییه رییسی بیلن کیلیشیب ینگی سیمالرنی مذکور کمیسیون اوچون تنلهشی کوتردیلر. سیلاولر مستقل کمیسیونینینگ حاضرگی مدیرلری اوتگن ییل بولیب اوتگن سیلاولرنی لازم درجهده باشقریشگه موفق بولمهگن ایدیلر.
مذکور مدیرلر هنوز هم اوز ایشلریده ناکاملر و اولر اوز لوازملرینی ینگی چهرهلرگه بیریشلری ممکن ایدی. اوتگن سیلاولردهگی تجربهلرگه کوره، نورستانی شامل اونینگ همکارلری شفاف بیر سیلاو اوتکزیش قابلیتیگه ایگه ایمس. بوندن تشقری دنیا جماعهچیلیگی و سیلاولرنی مالی امکانیت بیلن تامین قیلهدیگن دولتلر هم سیلاولر ادارهسیگه اصلاحات کیریتیلیشی بارهسیده تاکیدلهگنلر. کمیسیوننی مالیوی تمویل قیلهدیگن دولتلر هم سیلاولر مستقل کمیسیونینینگ باشلیغی جناب نورستانی بولگن حالده مالی همکارلیک قیلیمسلری هم ممکن. باشقه مهم نکته افغانستانلیکلرنینگ کوپچیلیگی سیلاولرگه بولگن ایشانچلری جدی ضربه کورگن.
اوتگن ییل جمهور رییسلیک سیلاولرینینگ ایکینچی دوری بحرانگه کیتیشی مملکت اهالیسینی سیلاولر مستقل کمیسیونیگه نسبتن ایشانچ سیز قیلدی. مادامیکه کمیسیوننینگ بلند مرتبهلی مسؤوللری اورنیگه ینگی سیمالر تعین ایتیلمهگن حالده، اهالی ایشانچینی قیته قولگه آلیش ممکن ایمس.
افغانستان جمهور رییسی واجراییه باشلیغی کمیسیون و سیلاولرگه تیگیشلی قانوننی اصلاح قیلیش لازم. سیلاولر تیزیمیگه اصلاحات کیریتیش کمیسیوننینگ ایشی اوز پایانیگه ییتگن. ایندی ایسه جمهور رییس همده اجراییه باشلیغی سیلاولر تیزیمیگه اصلاحات کیریتیش اوچون عملده آدیم کوتاریشلر درکار. جمهور رییس غنی سیلاولر تیزیمیگه اصلاحات کیریتیش کمسیون طرحی اساسیده سیلاولر ینگی قانونینی تقنینی فرمان بیلن اوزگرتیریشی شرط. اساسی قانون نقص ایتیلگن حالده، مجلس ایش جریانیده قانونگه اوزگریش کیلتیریش حقیگه ایگه ایمس. مملکت پارلمانی نینگ ایش دوری توگهب حاضر سرپرست حکمی اساسیده نظارت قیلهدی. انه شو سبب جمهور رییس سیلاولر ینگی قانونینی اوزگرتیرهآلهدی. مذکور فرمان متنینی عدلیه وزیرلیگی حقوقچیلری سیلاولر تیزیمیگه اصلاحات کیریتیش کمیسیون اعضالری هماهنگلیگی بیلن یازیشلری لازم.
سیلاولر ینگی قانونی نافذ بولگندن سونگ، سیلاولر ینگی کمیسیونی ایشگه باشلهشی کیرهک. عین حالده، سیلاولر مستقل کمیسیونی همده سیلاولر شکایتلرینی تینگلیش کمیسیون لوزاملرینی ینگی چهره گه بیریشلری تاکیدلنهدی. سیلاولر کمیسیونلرینینگ اعضالر اوچ – تورت ییلگه قدر ایشگه آلینگنلیکلرینی گمان ایتیشلری ممکن. اما، دنیانینگ هر بیر مملکتیده دولت ملازمی یاده وزیر ایشیگه موفق بولمهگن حالده، ایشدن آلینیشی حتمی.
نورستانی همده اونینگ همکارلرینی ایشی سیلاولر مستقل کمیسیونی دن دوام تارتگن حالده بوتون تیزیمنینگ قانونیلیگی سوال آستیگه کیتهدی. اجراییه رییسی همده جمهور رییس اوتگن ییل انه شو ایده 1395- ییل میزان آییگه قدر اساسی قانون جرگهسینی اوتکزیشگه وعده بیرگن ایدیلر. مذکور جرگه ده اساسی قانون اوزگریب اجراییه ریاستی باش وزیرلیک لوازمیگه اوزگریشی توغریسیده قرار آلینگن ایدی. سیلاولر ینگی قانونی نافذ بولمهگن حالده، حکومت کیلگوسی ییلده پارلمانی و ولایتی کینگشلر سیلاولرینی اوتکزیشگه موفق بولمیدی. شونینگ اوچون مذکور سیلاولر ینگی ییلده اوتکزیلمهگن تقدیرده اساسی قانون جرگه سینی 1395- ییلده اوتکزیش ممکن ایمس.
1395- ییل میزان آییگچه اساسی قانون جرگهسی اوتکزیلمهگن صورتده، مملکت ینگی سیاسی بحرانگه یوز توتیشی ممکن.
