یکشنبهدن دوشنبه گه اوتر کیچه قوراللی طالبلر اوچینچی مرته آیخانم بندرینی نظارت گه آلدی.
تخار پولیسی سوزلاوچیسی خلیل اسیرنینگ ایتیشیچه، بو آتیشمهده 12 چگیره عسکری هلاک و باشقه 7 کیشی یرهلنگن و یرهلنگنلرگه کمیسار قومندانی هم شامل دیر.
تخار پولیسی سوزلاوچیسینینگ کوپهیتیریشیچه، اوشبو آتیشمهلرگه قوشیمچه دشتقلعه تومنینینگ عربکاکل منطقهسیده بیر اوی هوان اوقی تیککنی باعث، بیر عایلهنینگ قطار اعضالری هلاک و یرهلنگن.
باشقه تاماندن، بوگون ایرتهلب دشتقلعه تومنی کسلخانهسیده محل یشاوچیلری و کمیسار قومندانی آرهسیده آتیشمه یوز بیرگن، بیراق محل اهالیسی گه کوره، بو آتیشمهده کیمسه زیان کورمهگن.
بو واقعهلر دشتقلعه تومنی یشاوچیلرینینگ خواطری گه سبب بولگن و اهالیدن بیرقطاری، اوی و جایلرینی ترک قیلگنلر.
ایتیلیشیچه، طالبلر نظارت گه آلگن منطقهلریده قانون چیقارگن و اوتگن نیچه کونده نیچه عیال بازار بارگنلیککه عیبلنیب کلتکلنگن.
