حکومت اجرایی باشلیغی عبدالله عبدالله نینگ ایتیشیچه، جمهور رییس محمداشرف غنی پاکستانده بولیب اوتهدیگن آسیا یورهگی اولکهلریده اولتیریشیده قتنشهدی.
جناب عبدالله دوشنبه کونگی وزیرلر کینگشی هفتهلیک نوبتی اولتیریشیده، آسیا یورهگی ناملی اولتیریش نینگ افغانستانده تینچلیک، ثبات و اقتصادی یاردملیکلر کیلتیریش اوچون اوته مهم بیلهدی و بو اولتیریش افغانستان و پاکستان ارا تاپیلگن تارتیشوولر برطرف ایتشی باره سیده تأثیرلی ایکنلیگینی اورغولیدی.
بوندن آلدین جمهور رییس نینگ اسلاآباده بولیب اوتهدیگن آسیا یورهگی اولکهلر اولتیریشیده بارمسلیگی ایتیلردی.
تشقی ایشلر وزیرلیگی نینگ ایتیشیچه، اسلامآباد ده اوتکزیلهدیگن آسیا یورهگی اولکهلری اولتیریشیده، ترورچیلیککه قرشی بیرلیکده کورهشیش و امنیتی تهدیدلر بارهسیده بحث بولهدی.
مذکور وزیرلیک سوزلاوچیسی شکیب مستغنی نینگ سلاموطنداربیلن قیلگن صحبتیده ایتیشیچه، کیلهسی نیچه کونگه قدر بولیب اوتهدیگن آسیا یورهگی اولکهلری نینگ اولتیریشیده افغانستان امنیتی تأمین ایتیلیشی نیابتگه آلینهدی.
مستغنیگه کوره، بو اولتیریشده تینچلیک اوچون صحبت بولمیدی؛ اما ترورچیلرگه قرشی بیرلیکده کورهشیش و منطقهیی رابطهلر یقینلشتیریش تینچلیک و امنیتی بولیملرده ایجابی تأثیر قالدیرهدی.
تشقی ایشلر وزیرلیگی نینگ سوزلاوچیسی، آسیا یورهگی اولکهلری اولتیریشیده افغانستان اولتیریش یولاوچیسی دیر، شو اوچون هم بو اولتیریش اوته مهم ایتیلهدی.
نمایندهلر کینگشی
عین حالده بوگونکی پارلمان اعضالری اولتیریشیده ایریم نمایندهلرنینگ ایتیشلریچه، جمهور رییس باید آسیا یورهگی اولکهلری اولتیریشیده دنیا بویلب قتنشهدیگن اولکهلرده افغانستانده بولیب اوتهدیگن واقعیتلرنی جرأت بیلن بیان قیلسین دیگنلر.
نمایندهلرگه کوره، افغانستان اوروشیده پاکستان نینگ قولی بار و بو مملکت عصیانچی گروهلردن حمایت قیلهدی.
نمایندهلردن بیری صالح محمدصالح نینگ ایتیشیچه، بو اولتیریشده باید جمهور رییس غنی جرأت بیلن افغانستان منطقه اوروشیده ترورچیلر حامیسینی انیق شکلده بیان قیلسین و افغانستان اوروشی خلق ارا دنیا اوروشی بولگنلیگینی اثباتلهب، بو اوروش افغانستان توانیدن اوزاغلیگینی بیلدیریب، ترورچیلر حامیسی بولگن اولکهلری بیرکون القاعده، بیرکون طالب و بیرکون هم داعش نامی بیلن عصیانچیلرنی حمایت قیلیشینی بیلدیرسین دیگن.
بو کینگش اعضاسی نینگ ایتیشیچه، بو اوروشلرنی اورتهدن ایلتیش اوچون دنیا بویلب انیق لایحه توزهتیلیشی کیرهک.
شونینگدیک بو کینگش اعضاسی، افغانستان اوروشیده دنیا قدرتمند اولکهلری نینگ قولی بار و طالبلر و ترورچی گروهلر اوروش جهازلرینی قهییردن قولگه کیلتیریشی باید انیقلنتیریلسه دیگن.
کینگش بیرینچی اورین باسری ظاهر قدیرنینگ ایتیشیچه، بو اولتیریشده باید افغانستان حکومتی ترورچی گروهلرنی تمویل قیلهدیگن اولکهلر و مذکور گروهلر قهییرده ییرلشیب کوچهیش معلوماتینی افشا قیلسین. اونگه کوره، جمهور رییس بومرته پاکستان نینگ یلغاندن بیرگن وعدهلریگه الدنمهسین.
ملی بیرلیک حکومتی ایشی باشلهنیشیده پاکستان بیلن سابقهسیز شکلده علاقه آلگن ایدی؛ اما کابل شاهشهید منطقهسیده اوتکزیلگن قانلی هجومدن کیین کابلنینگ اسلامآبادگه قرشی قرمه قرشیلیکلریدن کیین ایکی اولکه رابطهلری قیته بوزیله باشلهدی.
