بغلان ولایتینینگ نهرین تومنینی ولسوالی فضلالدین مرادینینگ ایتیشیچه، قوراللی طالبلر بیر هفتهدن بویان مذکور تومننینگ اطرافیده دولتی و مردمی کوچلر بیلن اوروشهدی و تیزلیککه بو تومن گه یاردمچی کوچ یوباریلمهگن صورتده، مذکور تومن طالبلرنینگ قولی گه سقوط قیلهدی.
بیراق، بغلان ولایت کینگشینی کاتبی محمدحنیف کهگداینینگ ایتیشیچه، بو اوروشده یالغیز مردمی کوچلر قوللریده بولگن از امکانیتلری بیلن طالبلرنینگ برابریده مقاومت قیلگن.
نهرین تومنینینگ قوم بویوکلریدن بیری عبدالرشیدنینگ سلاموطندارگه ایتیشیچه، امنیتی کوچلر و طالبلرنینگ آرهسیده یوز بیرگن آتیشمه نتیجهسیده، حاضرگچه نهرین تومنینینگ نیچه قیشلاغیدن 100 دن آرتیق عایله بدرغه بولگن و یمان وضعیتده حیات کیچیرهدیلر، بیراق طالبلر اولرنینگ اویلریدن سنگر صفتیده فایدهلنهدی.
عین حالده، بغلان ولایتینینگ پولیس قومندانی اکرامالدین سریع، مذکور ولایتنینگ نهرین تومنیده حربی عملیات باشلهنیشی اوچون تیارگرلیک آلینگنیدن خبر بیرهدی.
بغلان مملکت شمالشرقی ده ناتینچ ولایتلردن بیری دیر و قوراللی طالبلر مذکور ولایتنینگ ایریم تومنلریده کینگ شکلده فعالیت قیلهدیلر.
