بوگون بامیاننینگ هوا میدانیده سارک نمایندهلری حضوریده محمد محقق و سرور دانش سارک تشکیلاتی سمبولی یوزیدن شال کوتاریش بیلن بامیان ولایتینی رسمی شکلده بو ولایتنی بیر ییل اوچون جنوبی آسیا مملکتلرینینگ فرهنگی پایتختی صفتیده رسمن تنیشتیردیلر.
ییغینده افغانستان جمهور رییسینینگ ایکینچی اورین باسری محمد سرور دانش و اجراییه باشلیغینینگ ایکینچی اورین باسری محمدمحقق، سارک خلق ارا تشکیلاتینینگ نمایندهلری، مجلس نمایندهلری و باشقه مهمانلر اشتراک قیلگنلر.
جمهور رییسنینگ اورین باسری محمدسرور دانش، غزنی ولایتی دنیا اسلام مدنیت مرکزی اعلان ایتیلگندن کیین بامیان ولایتی سارک خلق ارا تشکیلاتیگه اعضا مملکتلرنینگ فرهنگی پایتختی اعلان ایتیلگنلیگی مملکت اوچون ایکّی ییریک حادثه بولگن لیگینی ایتگن.
جنابدانش بوندهی یوتوقنی نشانلش فقط بامیانلیکلر اوچون ایمس افغانستان خلقی اوچون اولکن موفقیت دیگن. اونگه کوره، بامیان دایم مدنیت و تینچ لیک مرکزی بولگن. ایتیلیشیچه، مذکور ولایت اونچهلیک مرکزی حکومت نینگ اعتباریگه بولمهگن.
شونینگدیک جمهور رییسینینگ اورین باسری، ضحاک و غلغله شهری قوشیمچه بودا مجسمهلرینی تیلگه آلیب بو لر دنیا نینگ ییریک مدنیتلریدن سنلهدی دیگن. شونینگدیک جناب دانش بو ولایتدهگی لایحهلر تکمیل ایتیلیشی بارهسیده خبر بیرگن.
شونینگدیک جمهور رییسنینگ اورین باسری اوتگن ییللرگه قرهگنده بامیانگه سیاحتگه کیلهدیگن سانی آزیگنلیگیدن خواطر بیلدیرگن.
عینحالده، جناب دانش، حکومت ییریک اوزگریشلر کیلتیریشگه قراری قطعی لیگینی ایتگن.
دانش، ملی مدافعه وزیرلیگی، دولت باشقرهلاوچیسی، هنوزگچه تنیشتریلمهگن ولایتلر والیسی تیزلیکده تنیشتیریلیشیدن سوز بیرگن.
ییغینده سوزگه چیققنلردن اجراییه ریاستی نینگ اورین باسری محمدمحقق، بامیاندهگی بودا مجسمهلری دنیا بولیب ییریک شاهکار و ارزشلی مدنیتلردن بولگن لیگینی ایتگن. اونگه کوره، افغانستان دشمنلری بو تاریخی آبدهلرگه ییتکیزگن زیانگه قرهمی، لیکن افغانستان تاریخی هویتینی یوق قیلیشگه موفق بولمهگنلر.
محقق، افراطیت تاریخی آبدهلر جانیگه هم هجوم قیلگن لیگیدن خواطر بیلدیرگن.
او، دنیا مملکتلرده افراطیتگه جدی قرشی کورهشیشلرینی سورهگن.
بامیاننی تاریخی مدنیتگه ایگه دیگن محقق، ییریک امپراطورلر مذکور ولایتده شکستگه روپه ره بولگنلر
