کابل- پروان قتناو یولیدن 200 دن آرتیق شبههلی یاش ییگیت قولگه آلیندی. پروان امنیتی رسمیلریگه کوره، مذکور کیشیلرنینگ چانتهسیده کیملیک، بیر و ایکی افغانیلیک سکه و 500 دن 700 افغانیگچه پوللری بار ایکن. اوشبو رسمیلرنینگ کوپهیتیریشیچه، مذکور کیشیلر احتمال باریچه تروریستی هجوم اویوشتیریش اوچون شمال باریشگه قصد قیلگنلر.
پروان امنیه قومندانی جنرال محمدزمان مموزینینگ سلاموطندارگه ایتیشیچه، اوشبو یاشلر اوچ مرتهده و هر بیر مرته 61، 70 و 71 کیشی بولیب شمال قتناو یولیدن قولگه آلینگن. مموزیگه کوره، مذکور کیشیلر یولاوچی تاشیدیگن بسلر بیلن شمال سفر قیلیشگه قصد قیلگنلر.
جناب مموزینینگ ایتیشیچه، اوشبو 200 یاش ییگیتنینگ برچهسی بارهدیگن یوللرینی هم بیلمس ایکن و هر بیر یولاوچی تکتیده 5 و 6 کیشی رویخطگه آلینگن. پروان امنیه قومندانینینگ کوپهیتیریشیچه، اوشبو یاشلر تیرگاوگه آلینگن بیرچاغده، تکتلریگه قندوز یازیلگن، بیراق شاشگنلری باعث، مزارشریف بارهمیز دیگنلر.
امنیتی رسمیلرنینگ ایتیشیچه، مذکور کیشیلرنی تانیش اوچون تیرگاو باشلنگن.
مملکت شمالیده طالبلر انچه مدتدن بویان فعالیتلرینی کینگهیتیرگن. مذکور گروهنینگ فعالیتی شدتلنگنی توغریسیده خواطرلر کوپهیگن.
شونینگدیک، قوراللی طالبلر ایکی هفته آلدین، بیر خبرنامه ترقهتیب کوکلم فعالیتلری باشلهنیشیدن خبر بیرگن ایدی و امنیتی رسمیلرگه کوره، جاری ییلده اولر بار توانیدن امنیتی کوچلر برابریدهگی اوروشده فایدهلنهدی.
