سیلاولر کمیسیونینینگ باشلیغی یوسف نورستانی، تومن کینگشلری و پارلمان سیلاولری اوتکزیلیش سونگی زمانی ایکی کونگچه معلوم بولیشینی ایتگن.
بوگون (شنبه، 26- جدی) نمایندهلر کینگشی عمومی ییغینیده جناب نورستانینینگ ایتیشیچه، سیلاولر کمیسیونی کیلهجک دوشنبه (28- جدی) کیلهجک سیلاولر اوتکزیلیش زمانینی معلوم قیلیشی ممکن. اونگه کوره، پارلمان سیلاوی اوتکزیلیش زمانی معلوم بولیشیگه قوشیمچه، سیلاولر توغریسیده باشقه مهم معلوماتنی خلق بیلن شریک قیلهدی.
نورستانینینگ ایتیشیچه، سیلاولر قیینچیلیکلرینی حل ایتیش و کیلهجک تومن کینگشلری بیلن پارلمان سیلاولری اوتکزیلیش زمانی معلوم بولیشی خصوصیده، ملی بیرلیک حکومت باشلیغلری بیلن اوتگن ییل ایکی مرته و جاری ییل بیر مرته اوچرهشگن؛ بیراق سیلاولر خصوصیده، حکومت رهبرلرینینگ سیاسی حرکتی باعث، حاضرگه قدر اولردن جواب قولگه کیریتمهگن.
حاضرگی پارلماننینگ، قانونی ایش دورهسی بو ییل سرطان آیینینگ باشیده یکونلنگن. افغانستان اساسی قانونی پارلمان سیلاوی اوتکزیلیش زمانینی مجلس ایش دورهسی یکونلهنیشیدن آلدین (1- سرطان)، 30 دن 60 کونگچه تخمین اِیتگن.
قانون اساسیده، تومن کینگشلری بیلن پارلمان سیلاولری، بو ییل کوکلم موسومیده اوتکزیلیشی لازم ایدی؛ بیراق ملی بیرلیک حکومت باشلیغلری، اورتهسیدهگی قرهمه قرشیلیکلر و بودجه کملیگی باعث، اوشبو سیلاولر اوتکزیلیش زمانی حاضرگه قدر توختهتیلگن.
افغانستان سیلاولرینی نظارت قیلیش اداره و پارلمان، حکومتدن نیچه مرته سیلاولر اوتکزیلیش زمانینی معلوم قیلیشینی سورهگن.
