ناتو باش کاتبی ینس استولتنبرگ نینگ افغانستانده آمریکا کوچلری نینگ کمهیتیریلیشی خصوصیده ایتیشیچه، اوشبو تشکیلات مذکور حربیلرنینگ کمهیتیریلیش ریجهسینی تیکشیرهدی.
استولتنبرگ اوشبو مطلبنی اوتگن "سهشنبه" کونی آلمانلیک خلق ارا مطالعات موسسهسیده بیان قیلگن.
اوتگن ییل حوت آیده قطر باشکنتی دوحه شهریده آمریکا و طالبان آرهسیده امضا ایتیلگن تینچلیک شرطنامهگه کوره، آمریکالیک کوچلرنی 14 آی جریانیده افغانستاندن چیقاریلیشی کیرهک.
حاضرده آمریکا نینگ افغانستانده بولگن کوچلری 8600 گه کمهیتیریلگن.
بیراق، ینگیلیکده آمریکا مدافعه وزیری مارک اسپر، جاری ییل خزان موسومی گچه افغانستانده بولگن آمریکالیک کوچلرنینگ کمهیتیریلیشینی بیلدیرگن ایدی.
نیچه پیت آلدین سیانان تلویزیونی نینگ آمریکا ایکی ییریک مقامیدن نقل قیلیب ایتیشیچه، خزان موسومیگهقدر آمریکالیک حربیلردن 4 مینگدن آرتیقینی چیقاریلیشی نهایی قیلینهدی.
حاضرده ناتو باش کاتبی ینس استولتنبرگ نینگ ایتیشیچه، اوشبو تشکیلات افغانستاندن آمریکا کوچلرینی چیقاریلیش موضوعینی تیکشیرهدی.
اونینگ ایتیشیچه، بوندهی اقدام دن آلدین افغانستان وضعیتی خصوصیده سیاسی سوزلشوولر موجود بولیشی ممکن.
جناب استولتنبرگ نینگ تاکید قیلیشیچه، ناتو آمریکا حربیلری نینگ کمهیتیریلیشیدن آلدین اوروش میدانلریده وضعیتنی تیکشیرهدی و طالبان نینگ تینچلیک شرطنامهده تعهدلی بولگنیگه گواه بولهدی.
اونینگ کوپهیتیریشیچه: «بیز دقت بیلن وضعیتنی کورماقدهمیز. اوشبو شرطنامه (آمریکا و طالبان آرهسیده بولگن شرطنامه) امضا ایتیلگنیده مین کابلده ایدیم. او پیتده هم دقت بیلن تیکشیردیک و بو تیکشیریشگه دوام بیرهمیز، چون آمریکا قوشمه ایالاتی حاضرده عقبنشینلیک قیلماقده، بو وضعیتده آمریکا ناتو ماموریتی نینگ بیر بولیمی دیر.»
ناتو باش کاتبیگه کوره، حاضرده ناتو، آمریکالیک و آمریکالیک بولمهگن حربیلری نینگ سانی 16 مینگ دن 12 منیگ گه کمهیگن.
جناب استولتنبرگ نینگ ینهبیر مرته تاکید قیلیشیچه، ناتو و آمریکا بیرلیکده افغانستانگه کیلگن و «تطبیقات و تعدیلات»نی بیرلیکده انجام بیرگن. اونینگ ایتیشیچه، شرایط مناسب بولگن صورتده، ناتو و آمریکا بیرلیکده افغانستانی ترک قیلهدی، بیراق استولتنبرگ نینگ تاکید قیلیشیچه: « چیقش زمانی قچان مناسب بولهدی بیللی ایمس.»
ناتو باش کاتبی نینگ کوپهیتیریشیچه، حاضرده تینچلیک جریانیدن حمایت قیلیش اوچون اساسی یول افغانستان امنیتی کوچلرنی طالبان هجومیگه قرشی کوچلی بولیشی و افغانستانی ینهبیر مرته خلق ارا تروریستلریگه تینچ جای بولمهیشیدن مطمین بولیش دیر.
