افغانستان تشقی ایشلر وزیرلیگی سوزلاوچیسی گران هیواد نینگ ایتیشیچه، بوگون «سهشنبه، 17- سرطان» ویدیو کنفرانس آرقهلی اوچ مملکت نینگ تشقی ایشلر وزیرلیکلرینی اورین باسرلری آرهسیده «افغانستان، چین و پاکستان استراتیژیکی دیالوگی» نامیده اوچ تامانلمه ییغین اوتکزیلگن.
کابل ده اوتکزیلگن خبری ییغینده جناب هیوادنینگ ایتیشیچه، اوچ تامانلمه ییغینده افغانستان تینچلیگیگه تیگیشلی مسئلهلر، اوچ تامانلمه و ایکی تامانلمه همکارلیکلر کینگهیتیریلیشی بحث گه آلینگن.
اونگه کوره، بو ییغینده پاکستان و چین طالبان گروهی نینگ محبوسلری افغانستان حکومتی تامانیدن قوییب یوباریلگنیدن قدردانلیک بیلدیریب و طالباندن تیزلیککه زوروانلیکلرنی کمهیتیریب و افغانلر ارا تینچلیک سوزلشوولری باشلهنیشی گه زمینه یرهتیشینی سورهگن.
افغانستان تشقی ایشلر وزیرلیگی سوزلاوچیسی نینگ کوپهیتیریشیچه، افغانستان حکومتی افغانلر ارا تینچلیک سوزلشوولری باشلهنیشی اوچون بوتون حرکتلرنی عمل گه آشیرگن و حاضر بو توغریده طالبان حرکت قیلیشی کیرهک.
اوشبو اوچ تامانلمه ییغینده میلادی 2018- ییل ده امضالنگن امنیتی همکارلیکلر شرطنامهسی عمل گه آشیریلیشی اوستیگه تأکیدلنگن.
ایتیش کیرهک کیم، اوتگن کون افغانستان دولتی نینگ تشبثی و کمیده 20 مملکت و خلق ارا تشکیلاتلری نینگ نمایندهلری حضوریده ویدیو کنفرانس آرقهلی جمهورلیک ریاست سرایی ده «تینچلیک اوچون کیلیشوونی کوچلنتیریش» نامیده منطقهیی ییغین اوتکزیلدی.
اوشبو ییغینده جمهور رئیس محمداشرف غنی نینگ ایتیشیچه، طالبان گروهی نینگ زوروانلیکلرینی دوامی تینچلیک که تیگیشلی ملی کیلیشووگه زیان ییتکیزهدی.
افغانستان تشقی ایشلر وزیرلیگی نینگ بیر خبرنامهسیده کیلیشیچه، اوشبو ییغین اشتراکچیلری آچیق شکلده افغانلرنینگ حاکمیتی و رهبرلیگی بیلن تینچلیک جریانی گه تیگیشلی کیلیشوو اوستیگه تأکیدلشگن.
شونینگدیک، افغانستان حکومتی مملکت ده تینچلیک تأمینلنیشی خصوصیده خلق ارا کیلیشوو اوچون جاری هفته پنجشنبه کون خلق ارا بیر ییغین گه میزبانلیک قیلیش توغریسیده قرار قیلینگن.
تشقی ایشلر وزیرلیگی نینگ سوزلاوچیسی گه کوره، بو ییغینده افغانستان گه همکار مملکتلر، بیرلشگن ملتلر تشکیلاتی، اروپا بیرلیگی و آمریکا قوشمه ایالتلری نینگ نمایندهلری اشتراک قیلیشی ممکن.
