طالبلر بوگون (چهارشنبه) ایرتلب بغلان دهنهغوری تومنیگه هجوم قیلگن. نتیجهده ملی پولیسنینگ بیر قنچه پوستهسی جنگریلر اشغالیگه اوتگن.
جنگری طالب پولیسنینگ ایکّی عسکرینی اوشلب تیریکلی پوستلب سونگ آتیب اولدیرگنی ایتیلهدی. عسکرلردن بیری سونگی مرته ابهسینینگ اوغلی بیلن تیلفونده گپریب: " بیز طالبلر قولیگه توشدیک، قوماندان حسین نینگ عسکرلریدن بیرینی پوستلب اولدیردی؛ ایندی مینی حلال قیلیشده نوبت کیلگن"
عصیانچیلر هجوم قیلگنده پوستهده بولمهگن معلمبیگمحمد و قوماندان حسینلرنینگ سلاموطندارگه ایتیشیچه، جنگری طالبلر منطقه قوم یاش اولوغلری آرقهلی پیام یوللب اون دقیقهده تسلیم بولمهگن حالده، تیریلکلهین پوستلنگن ایکی عسکر تقدیریگه روپه ره بولیش لری بارهسیده آگاهلنتیرگن.
بو ایکّی قوماندان قوراللی طالبلر یامغیردیک اوستلریگه اوق یاغدیرهیپتی تسلیم بولیشدن بولک چاره یوق لیگینی ایتگنلر.
جنگریلر تامانیدن اولدیرگن عسکرلرخانهدانینینگ اعضاسی شاهزمان زمانی و رحیمالدین اوشبو عسکرلر طالبلرگه تسلیم بولمهگن لیگی باعث جنگریلر تامانیدن پوستلنگن لیگینی ایتگنلر.
.jpg)
بولرنینگ ایتیشیچه، آتیشمه جریانیده هنوزگچه 7 حربی قربان بولگن و باشقه 5 تهسی یرهلنگن.
عسکرلر پوستلنگنلیگینی تصدیق ایتگن بغلان ولایتی کینگش اعضاسی نوریه حمید محلی حکومتنی کوچ سیزلیککه عیبدار بیلیب، حکومت هیچ ایش قیله آلمهگنلیگی سبب " اوزیمیز قورالهنیب، فرزندلریمیزگه کومک قیلیش و مملکت توپراغینی مدافعه قیلیش اوچون اوروش میدانیگه باریش کیرهک"
مذکور ولایت کینگشینینگ اعضاسی حکومت جنگری طالبلرنی نابود قیلیش امکانیتیگه ایگه ایمس دیگن. منطقهگه یوباریلگن تیک اوچلرهم قوراللی طالبلرنینگ اصلی مرکزینی نشانگه آلیش اورینده کور- کورانه تاغنی نشانگه آلهدی دیگن.
دهنه غوری تومنیده آغیر اوروش جریانی بیارلیگینی تصدیق ایتگن ولایت والیسی عبدالستار بارز منطقهگه ینگی حربیلر یوباریلهدی دیگن.
تیریکلهین پوست لهنیب اولدیریلگن حربی عسکر توغریسیده جناب بارز بیرار نرسه تیلگه آلمهگن جناب بارز. شونینگدیک جنگری طالبلر هم بو باره ده بیرار نرسه دیمهگن.
تورت آیدن بیری دندغوری منطقهسیدهگی دهنه غوری تومنینینگ یولی مرکز بیلن یاپیب قوییلگن. اوشبو ولسواللیک انچه وقتدن بیری طالبلر قورشاوویده قالیب کیلگن.
بوندن آلدین هم اوشبو منطقهده باغلهنیب قالگن بیر قطا حربی عسکرلر قورال – اسلحه توگه گن لیگی بارهسیده آگاهلنتیرگن ایدیلر. دهنه غوری، بغلان ولایت مرکزی پلخمری شهریگه ییقین تومنلردن حسابلنهدی. بو تومنده جنگری طالبلرنینگ کینک کولمده حضوری بارلیگی تاکیدلنهدی.
