کابلده مدنی جماعهچیلیک فعاللری بیر آچیق نامه ده افغانستان ملی بیرلیک حکومتی جمهور رییسی و اجراییه باشلیغیدن «بیشینچی ستون» دیب تانیلگن شخصلر حکومتدن ایشدن آلینیشینی سورهگنلر.
مدنی جماعهچیلیک فعاللرنینگ نامهسیده یازیشیچه، ملی بیرلیک حکومتی بیر تاماندن تیزیمده ایش قیلهدیگن و ایکینچی تاماندن ملا عمر وفاتی اوچون تعزیه بیلدیره دیگنلر کیشیلر دولت لوازمیدن آلینیشینی طلب قیلگنلر.
ملاعمر وفاتی اعلان ایتیلیشی بیلن افغانستان دشمنلری تامانیدن ایکی موازی حرکت یولگه تشلندی؛ بیرینچی حرکت مملکتده پارتلش و خودکش هجوملرنی کوپ سانده عملگه آشیریش و ایکینچی حرکت ایسه ملاعمر اوچون فاتحه مراسم آلیش بیلن روحی اوروشنی باشلش.
مدنی جماعهچیلیک فعاللری ملی بیرلیک حکومتی ایچیده موجود قرمه – قرشیلیکلردن خواطر بیلدیریب، اولردن بیر کوچ و قدرت صفتیده اویغون شکلده عمل قیلیشلرینی سورهگنلر. ملی بیرلیک حکومتدهگی ایچکی ضدیتلر افغانستانده برقرارلیک و تینچ لیک تامین ایتیلمسلیگی اوچون ییریک توسیق بولگنی ایتیلهدی.
مدنی جماعهچیلیک فعاللری آچیق نامهسینینگ باشقه بیر ییریده کیلیشیچه، تینچلیک عالی کینگشی بیکار ایتیلیشی کیرهک. فعاللرگه کوره، افغانستان عالی تینچلیک کینگشی صرفلنگن خرجتلرگه کوره، هیچ بیر ایش قیله آلمهگن.
اولر حقیقت و تینچلیک مطالعات مرکزی آچیلیشینی سورهب، مذکور اداره جنجللرنی ایلدیزدن تاپیب مملکتده دایمی تینچلیک تامین ایتیلیش زمینهسینی یرهتهدی دیگنلر.
بوندن آلدین هم ایریم مدنی فعاللر و مدنی ادارهلر مملکت بویلب ناراضیلیک نمایش و اعتراض بیلدیریب دولت بلند مرتبهلی رسمیلریدن، نفوذی شکلده تیزیمگه کیریب بیشینچی ستون ایجاد قیلگن شخصلر قدیریلیشینی سورهگن ایدیلر.
