افغانستاننی برق کوچی بیلن شرکت مسووللرینینگ ایتیشیچه، کیلگوسی توقیز ییلده مملکت بویلب 70% اهالی برق انرژیسی بیلن تامینلهدی.
بوگون (شنبه) کابلده مالیه وزیرلیگی، آسیایی ترقیات بانکی بیلن قوشمه ییغین اوتکزگن برشنا شرکتینینگ رییسی عبدالرزاق صمدینینگ سوزلریگه قرهگنده آسیا ترقیات بانکی شمالدن کابل، لوگر، پکتیا، پکتیکا، خوست، وردک، غزنی، زابل و قندهار ولایتلریگه برق ییتکزیشده 1.2میلیارد دالر کومک قیلهدی.
اوشبو لایحه عملگه آشیریلیشی بیلن ترکمنستاندن مملکتگه کیلتیریلهدیگن 300 مگاوات برق 1000 مگاواتگه کوپیتیریلیشی کوتیلهدی.
مالیه وزیری اکلیل حکیمینینگ بیلدیریشیچه، مذکور مبلغ تورت باسقیچده 2025- ییلگه قدر آسایی ترقیات بانکی تامانیدن تولهنیلهدی. جناب حکیمی بیرینچی باسقیچده مذکور کیلیشوو اساسیده بوگون آسیا ترقیات بانکی 275 میلیون دالر تولهگن.
مملکت مالیه وزیری اوشبو لایحهنینگ بیرینچی باسقیچده 500 کیلووات قابلیتلی 300 کیلو متر اوزون لیگی بولگن خط شبرغاندن الوان دشتیگه تارتیلهدی و برق انرژیسینینگ خط لولهسی 220 قابلیتلی 60 کیلو متر شبرغاندن اندخویگه قوشیلهدی.
ییغینده اشتراک قیلگن آسیایی ترقیات بانکی مسوولی توماس پنیلانینگ سوزلریگه کوره، برق ییتکزیش لایحهسی اوچون بیرینچی معما نا برقرارلیک دیر. ایریم گزارشلرده افغانستان برقینینگ 20% ترکمنستان، تاجیکستان و اوزبیکستاندن کیلتیریلهدی.
