جراحلرنینگ بیشینچی خلق ارا ییغینی اوتکن کون هرات ولایتیده، آلمان، انگلستان و هندوستان جراحلری اشتراکیده طبیات ساحهسیدهگی یوتوقلر و بو توغریده متخصصلرنینگ فکری و تجربهلری المشتیریلیشی مقصد بیلن اوتکزیلدی.
مملکت غربیدهگی داکترلر بیرلشمهسی باشلیغی عزیزاحمد علومی نینگ ایتیشیچه، اوتکن ییللرده یالغیز غرب زونیدهگی داکترلر بو قبیل یییغینلرده اشتراک ایتردی. اما، بو ییل باشقه مملکتلرنینگ جراحلری هم افغانستان کیلگنلر.
جناب علومیگه کوره، شوندهی اولتیریشلرنی اوتکزیلیشی اینیقسه تشقی داکترلر حضوریده طبی تجربهلرنی المشتیریلیشی مملکت داکترلری اوستیگه ایجابی تاثیر تشلهیدی.
اعصاب و میه جراحسی داکتر محمدناصر ادیب نینگ ایتیشیچه، مذکور ییغینده اشتراک ایتکن متخصصلر دنیانینگ طبی ینگی روشلری و تجربهلرینی مملکت جراحلری قابلیتی کوپهییشی خصوصیده شریک قیلهدی.
ییغینده طبیات ساحهسیدهگی رواجلهنیشلر و جراح لیکنی ینگی روشلری بولمیش اساسی موضوعلری بحثگه آلینگنی ایتیلهدی.
مذکور اولتیریشده اشتراک ایتکن چیت ایللیک جراح لر، هرات نینگ طبی جماعهسی آرقهلی بو ولایتگه چقیریلگن.
عین حالده، اوشبو داکترلردن بیرقطاری ینگی طبی جهاز کملیگی و امنیتی تهدیدلرنی مذکور ولایتدهگی داکترلر اوچون اساسی قیین چیلیکلردن دیب و حکومتدن داکترلر اوچون یخشی زمینه یرهتیلیشینی سورهگن.
ییلده افغانستان یشاوچیلریدن یوزلرچهسی مملکتده متخصص داکترلر همده زمانوی طبی جهازلر بولمهگنی باعث کسللرینی دارولش اوچون تشقی مملکتلرگه کیتهدیلر.
