لوگرده دولت رسمیلرینینگ ایتیشیچه، مذکور ولایتده ییریک مارکیتلر ایگهلری و سوداگرلری بیش ییلدن بویان دولتگه سالیق توللمهیدی. لوگر والیسی محمدحلیم فدایینینگ ایتیشیچه، حاضر اونلرچه سوداگر، ییریک مارکیتلر و نفتی شرکتلر ایگهلری دولتدن قرضدار بولگن.
جناب فدایینینگ ایتیشیچه، مرکزی حکومت اویغورلیگیده، جمعه کون میزان آیینینگ 24 گچه، مارکیتلر ایگهلری و برچه سوداگرلرگه سالیقدن قالگن قرضلرینی توللشگه وقت بیریلگن؛ توللنمهگن صورتده، برچه مارکیتلر، نفتی شرکتلر و سوداگرلیک انبارلر امنیتی کوچلر تامانیدن یاپیلیشی ممکن. لوگر والیسینینگ کوپهیتیریشیچه، مذکور ولایتده دولتی بانکلر (جمعه کون) دولت قرضدارلری سالیقدن قالگن قرضلرینی توللش اوچون آچیق تورهدی.
باشقه تاماندن، لوگر سوداگرلرینینگ سلاموطندارگه ایتیشیچه، ایکی کوندن بویان لوگر ولایتی برقطار تومنلریده، اونلرچه سوداگرلیک مرکز، مارکیت و نفتی شرکت ایشیگی امنیتی کوچلر تامانیدن یاپیلگن. اولرگه کوره، دولتی بانکلر حددن تشقری گاوجوم لیگی باعث، اولر تعیینلنگن چاغده، قرضلرینی توللهآلمهیدی.
قرضدار کیشیلر، دولتدن تعیینلنگن چاغنی کوپیتیریب و بانکلرده پول توللش شعبهلر کینگیتیریلیشینی سورهگن.
لوگرده دولت رسمیلرینینگ ایتیشیچه، ییلده مذکور ولایت مرکزی و تومنلریدن کمیده بیر میلیارد و 24 مینگ افغانی سالیق توپلنهدی؛ بیراق سونگی بیش ییلده مذکور ولایت سوداگرلری سالیق توللشدن وازکیچگن. مملکت سالیق قانونیگه کوره، حقیقی کیشیلر سالیقی بونقه بولهدی.
صفردن 5000 افغانی گچه | سالیق توللنمهیدی |
5000 دن 12500 افغانی گچه | 2 فایز سالیق |
12500 دن 100000 افغانی گچه | 150 افغانی ثابت مبلغگه قوشیمچه؛ 10 فایز |
100001 افغانیدن یوقاریگه | 8900 افغانی ثابت مبلغگه قوشیمچه؛ 20 فایز |
