اوتگن هفته کابلده "موبی گروپ" ملازملریگه قرشی اویوشتیریلگن هجومده بو ادارهنینگ ییغین خادمی قربان بولگن ایدی. مساله اوچون امنیتی ادارهلر همده حکومت تامانیدن اعتبار قرهتیلمسلگیدن تشقری عاموی اخبارات واسطهلری ایگهسی هم ملازملری اوچون اوچون جدی ایمسلیگی تنقید آستیگه آلیندی.
قطار یشاووچیلر همده اجتماعی ترماقلر فعاللریگه کوره، مدیالر ایگهسی اوز شخصی منفعتلری اوچون خبرچیلری همده ملازملری جانینی خطرگه روپه ره قیلهدی.
اوتگن هفته صادر ایتیلگن خودکش هجومینی قوراللی طالبلر طلوع باشقه مدیا اوچون بیر جزا دیگن. طالبلرنینگ ایتیشیچه، مدیا بو گروهنی کاذب ایشلرینی فاش قیلگن. مذکور گروه بوندن اوچ آی آلدین طلوع تلویزیون ترماغینی هجوم آستیگه آلیشی بارهسیده آگاهلنتیرگن ایدی. طلوع تلویزیونینینگ قندوز حادثهسیگه بغیشلب تیارلهگن گزارش، مذکور حرکت اعضالری جنسی تجاوزگه عیبلنگن ایدی.
شونینگدیک ایریم گزارشلرده "موبی گروپ" و طلوع تلویزیونینینگ امنیتی مسووللری، بو هجوم عملگه آشیریلیشی بارهسیده معلوماتلری بولگن، اما مذکور ادارهنینگ ملازملری قوراللی طالبلرنینگ بو آگاهلتنیریشینی جدی آلمهگنلر.
ایتیلیشیچه، عاموی اخبارات واسطهلری ایگهسی و مدیرلری خطرلردن آلدین خبر بولیب، شخصی منفعتلری اوچون ایشلاووچیلرینی خبر قیلمسدن رسانهیی تخلفگه سبب بولمهدیلر.
جناب توحیدینینگ سوزلریگه کوره، رسانهلرنینگ ایگهسی ملازملری جانیگه نسبتن تفاوت سیز یاندهشگنلیگی ابزاری سوءاستعمال قیلیش حسابلنهدی.
نی اداره باشلیغی، عاموی اخبارات واسطهلری ملازملری امنیتنی تامینلیش اوچون مسووللر دیگن.
خبرچیلر مصونیت کمیتهسی باشلیغی نجیب شریفی سوزلریگه قرهگنده، مدیا ایگهلری هیچ بیر زمان ملازملرینی سوء استعمال قیلیش حقوقیگه ایگه ایمس. اونگه کوره، برچه رسانهلر خادملری امنیتی و جانی خوفسیزلیگینی تامینلش اوچون مجبور.
جناب شریفیگه، افغانستان مدیاسینینگ ایگهلری خبرچیلر مصونیت کمیتهسی تامانیدن ایشلب چیقاریله دیگن لایحه اساسیده اوز ملازملری جانی امنیتینی تامین لش اوچون مکلف.
افغانستان رسانهچیلر فدراسیون طالبلر هجومیدن بیر کون سونگ اعلامیه ترقهتیب، افغانستان رسانهلر ادارهسی بو مساله اوچون جواب قیتهره دیگن ایدیلر.
اوتگن کون افغانستان ملی امنیت ادارهسی حادثهده قولی بارلیگی اوچون سکیز کیشینی حبسگه آلگن. حقانی ترور ترماغینینگ اعضاسی بولمیش مذکور شخصلر کابلنینگ بگرامی تومنیده قولگه آلینگنلر.
