(آیسا) یا افغانستانده سرمایه یاتقیزووچیلرنی حمایت قیلیش اداره باشلیغی قربان حقجو خصوصی بولیمده هنوزگچه ساغلیق ساحهسیده 100 میلیون دالر سرمایه یاتقیزیلگن دیگن.
زمانوی طبی اسکونهلر و جهازلرنی کورستوگه قوییش اوچون یولگه قوییلگن اوچ کونلیک کورگزمه ده بوگون (چهارشنبه) سوزلهگن جناب حقجو مملکتدهگی ساغلیق خذمتلر ارایه ایتیلیشی وضعیتی بارهسیده تاسف بیلدیریب، هر ییل 300 میلیون دالر افغانستانلیکلر درمانلهنیش اوچون تشقی مملکتلرده صرف ایتهدیلر دیگن.
بوگون کابلده یولگه قوییلگن کورگزمهده قطار شفاخانهلرنینگ داکترلری، سرمایه تاتقیزووچیلر و ایچکی و تشقی ادارهلرنینگ اعضالری اشتراک قیلگن.
شونینگدیک افغانستانده دارو ایشلب چیقاریلیشی بارهسیده تاکیدله گن آیسا ادارهسی باشلیغی، افغانستان هر ییلی 80 میلیون دالرگه خارج دن دارو کیلتیرهدی. اونگه کوره، افغانستانده حاضر سکیزته فابریکه دارو ایشلب چیقارهدی اونینگ 3تهسی باشقه سیدن کوره فعاللراق.
حقجوگه کوره، بعضی وقتلر ایرم دارولر افغانستانگه قاچاق آرقهلی کیلتیریلهدی. او، اوشبو دارولر صفتسیزلیگینی ایتیب، مذکور دارولر کوپینچه وقتلرده کیشیلرگه سلبی تاثیر قویهدی. اونگه کوره، مذکور گورگزمهنی یولگه قوییشدن نیت مملکتگه صفتلی دارولرنی کیلیتیریش همده قاچاق ایتیله دیگن دراو لر آلدینی آلیش دیر.
آیسا رییسی کابل شامل مملکتنینگ بیش ییریک حوزهسیده صحی شهرچهلر ایجاد ایتیلیشینی تکلیف قیلگن.
شونینگدیک او شفاخانهلر تاسیس ایتیلیشی اوچون دولت ییر ترقهتیب بیریشی کیرهک دیگن. او مذکور ساحهده سرمایه یاتقیزووچیلر 60% درآمدلرینی کراگه تولهمسدن کوپراق بهداشتی خذمتلر صفتیگه اعتبار قرهتیشگه توغری کیلهدی دیگن. حجقو، شفاخانهلر کراسی پستگه توشیریلیشی بیلن درمانی هزینهلر بهاسی قویی توشیشی ممکن دیگن.
باشقه تاماندن هندنینگ کابلده گی ایلچیسی امرسینانینگ سوزلریگه کوره، هند باشقه مسالهلر یانیده ساغلیق بولیمیده هم افغانستان بیلن اوزاق مددتدن بیری همکار و هندوستان هر دایم صفتلی دارولرنی افغانستانگه صادر قیلهدی. شونینگدیک هند ایلچیسی ایریم تاجرلر هند نامینی سوء استعمال قیلیب صفتسیز دارولرنی افغانستانگه آلیب کیلیشلرینی رد قیلمهگن.
کابلده اکتوبر آیی نینگ 28دن 30گچه یولگه قوییلگن مذکور کورگزمهده صحی خدمتلر تیکین شکلده ارایه ایتیلیشی نظرده توتیلگن.
