افغانستان بوییچه بیرلشگن ملتلر تشکیلاتی نینگ خاص نمایندهسی تدامیچی یاماموتو نینگ ایتیشیچه، اوروش حاضرگچه افغانستان اهالیسیدن قربانی آلهدی و 2009- ییلدن حاضرگه قدر تینچاهالی تلفاتی 100مینگدن آشگن.
جناب یاماموتو بوگون (پنجشنبه 5- جدی) افغانستانده تینچلیک کیرهکلیگی توغریسیده ترقهتیلگن نطقیده ایتیشیچه، «قیغو بیلن تصدیقلهیمن کیم یالغیز اوتگن 10 ییلده تینچاهالی تلفاتی 100مینگدن آشگن.»
یاماموتو تینچلیک نی افغانستان کیلهجگی اوچون اونملی دیب ایتیشیچه، افغانستانلیکلرارا سوزلشوولر یولگه قوییلیشی اوچون، افغانستان اهالیسی و باشقه تامانلرنینگ سعی و حرکتلریدن خرسندلیک بیلدیرهدی.
اونینگ کوپهیتیریشیچه، «تینچلیک حقیده بولگن حرکتلرگه هر قندهی قیینچلیکلرنی بیللی قیلینیب و اونینگ حل قیلنیشی کیرهک، بیرلشگن ملتلر تشکیلاتی افغانستانلیکلر رهبرلیگیده بولگن هر تامانلمه بیر پروسه کیم اونگه برچه اهالی نینگ انسانی حقلر سقلهنیب و دواملی تینچلیک که سبب بولهدیگن پروسهدن حمایت قیلهدی.»
جناب یاماموتونینگ ایتیشیچه، جمهورلیک ریاست سیلاوی نتیجهسی «هر نرسه بولگنده» تینچلیک موضوعسی ینگی اداره اوچون اونملی بولیشی ممکن.
مذکور بیانات گه کیلیشیچه، جناب یاماموتو ینه بیر مرته بیرلشگن ملتلر تشکیلاتی نینگ ایستهگی اساسیده، برچهدن تینچلیک اوچون سیس چیقاریشلرینی سورهیدی و اونگه تیگیشلی تامانلردن اوروش یکونلنیشی اوچون واقعی و قتیق آدیم کوتاریشلرینی سورهیدی و مملکتده اوروش یکونلنیشی اوچون هیچ قندهی حربی ییچیم یول یوق دیر.
شو توغریده:
- سیلاو کونیده 277 قربانلیک؛ یوناما گزارش بیردی
یوناما: تینچ اهالی نینگ قربانلریگه بیفرق یاندهشیش خواطرلی دیر
بیرلشگن ملتلر تشکیلاتی نینگ ایشانچی گه کوره، عیاللر و ییگیتلر شامل بولگن افغانستانلیکلر ارا سوزلشوولر، افغانستانلیکلر رهبرلیگیده بولگن سوزلشوولرگه کیرهکلی و تینچلیک توغریسیده بولگن سعی و حرکتلر اوچون کلیدی دیر.
بیرلشگن ملتلر تشکیلاتی تینچلیک توغریسیده بولگن سعی و حرکتلرگه شامل اشتراکچیلردن، میلیونلرچه عادی افغان اینیقسه اوروش قربانیلری نینگ نظرگه آلیشلرینی سورهیدی.
شونینگدیک بیرلشگن ملتلر تشکیلاتی تینچلیک پروسهسیگه تیگیشلی تامانلردن دواملی سیاسی بیر کیلیشوو و دواملی آتیش کیسین گه قول تاپیش اوچون تینچاهالی گه ضرر یتیشتیرهدیگن زوروانلیکلر کمهیشی اوچون یول تاپیشلرینی سورهگن. زوروانلیک کمهیشی افغانستانلیکلر ارا سوزلشوولرگه زمینه برابر ایتیلیشی اوچون اونملی دیر.
