تخار ولایتی نینگ دشتقلعه تومنی یشاوچیلریدن بیرقطاری نینگ ایتیشیچه، مذکور تومنده سلفیلردن بیرقطاری، داعش گروهی اوچون عسکر آلیشهدی و اولر حاضرگهقدر اونلرچه تخارلیک یاش ییگیت نینگ داعش گروهی نینگ تشکیلاتی گه جذب قیلیشگن.
دشتقلعه مدنی فعاللریدن بیری بشیراحمد بشارنینگ سلاموطندارگه ایتیشیچه، بو تومنده سلفیلرنینگ نیچه تعلیمی مرکزی بار و مکتبلرنینگ اوقووچیلریدن بیرقطاری گه دینی تعلیمات بیریلگنیدن سونگ، داعش گروهی نینگ عسکری صفتیده ننگرهار یوباریلهدی.
جناب بشارگه کوره، ایریم پیتلر مذکور تومن اطرافیده سلفی گروهلری اسپیکرلر آرقهلی داعش گروهی گه تیگیشلی پیاملرنی پخش قیلیب و اهالی نی داعش گروهی گه قوشیلیش خصوصیده آلقیشلیدیلر.
اوشبو مدنی فعال گه کوره، حاضرگچه دشتقلعه دن تومنیدن 60 یاش ییگیت داعش گروهی گه قوشیلیشی اوچون ننگرهار یوباریلگن.
دشتقلعه اهالیسی دن بیری حامدنینگ ایتیشیچه، یقینلریدن بیرقطاری داعش گروهی گه قوشیلیشگن. اونگه کوره، 16 دن 30 یاشی گچه بولگن یاشلردن بیرقطاری، مذکور گروه گه قوشیلیب و حاضر ننگرهارده حربی تعلیمات کوریشهدی.
حامدگه کوره، اوشبو یاشلردن کوپینچهسی دشتقلعه تومنیده بولگن سلفیلرنینگ مدرسهلریدن داعش گروهی گه قوشیلیشگن.
دشتقلعه تومنی یشاوچیلری نینگ ایتیشیچه، مذکور تومنده سلفیلر گروهی نینگ رهبرلیگی شیخطیب و مولوی نبیل آتلی ایکی کیشی نینگ قولی ده دیر و بو کیشیلر طالبان گه قرشیلیک بیلدیرهدی.
عین حالده، تخار ولایتی نینگ کوکچه اطرافیدهگی تومنلریده محلی کوچلرنینگ قومندانلریدن بیری ملک تاتار، کوکچه اطرافیده بولگن منطقهلرده داعش و جندالله عسکر آلیب و قرارگاه قوریشلریدن خبر بیریب و حکومت دن بو گروهلرنینگ فعالیتی گه توسیق بولیشی نی سورهگن.
بیراق، تخار پولیس قومندانلیگی سوزلاوچیسی خلیل اسیر، مذکور ولایتده داعش گروهی نینگ فعالیتی و عسکر آلیشی دن خبرسیزلیک بیلدیرهدی.
شونینگدیک، تخار پولیس قومندانلیگی سوزلاوچیسی، بو ولایتده داعش و جندالله گروهلری نینگ فعالیتی نی رد قیلیب ایتیشیچه، کوکچه اطرافی و اشکمش تومنیده یالغیز طالبان گروهی فعالیت قیلهدی.
بیراق، دشتقلعه تومنی نینگ اهالیسی و مدنی فعاللریدن بیرقطاری نینگ ایتیشیچه، کوکچه اطرافیدهگی تومنلرده داعش گروهی نینگ عسکر آلیشی و جندالله گروهی نینگ قرارگاه قوریشی دن حکومت مسؤوللری خبردار دیر، بیراق بو موضوع یاشیریلیشی اوچون سعی و حرکت قیلیشهدی.
ایتیش کیرهک کیم، اوتگن ییل تخار ولایتی نینگ درقد تومنیده داعش گروهی نینگ قاره رنگلی بیرهقی نیچه ساعت کوتریلگن ایدی.
شو توغریده…
