ننگرهار ولایتی زیتون چیقاریش ایشخانه مسؤوللرینینگ ایتیشیچه، بو ایشخانه خلق نیازینی تأمینله آلمهیدی. مسؤوللر ایشانچیگه کوره، دولت زیتون چیقاریش ایشخانه وضعیتیگه دقت قیلیب و ایش خانه ماشینلرینی توزهتکن صورتده، بو ایشخانه زیتونی نیچه برابر کوپهییشی ممکن.
ننگرهار ولایتی زیتون یاغ ایشلب چیقاریش خصوصیده شهرت قازانگن. اوشبو ولایتده ایشلب چیقاریلگن یاغ باشقه مملکتلرگه هم آلیب کیتیلهدی.
ننگرهار ولایتی زیتون چیقاریش ایشخانه باشلیغی عزتالله میاخیلنینگ ایتیشیچه، بو ایشخانه ایشی اوتکن ییللرگه قرهگنده قانیقرلی دیر. اونگه کوره، اوشبو ایشخانه اوتمیشلرده 30 مینگ بوتل آچار و 15 مینگدن آرتیق بشکه یاغ ایشلب چیقارهدی ایکن.
جناب میاخیلنینگ ایتیشیچه، بو ایشخانه ماشینلری کهنه بولگن و بوندن آرتیق ایشلشگه قادر ایمس دیر.
مذکور ایشخانه مسؤوللرینینگ ایتیشیچه، اولر ایریم پیتلرده ایشلب چیقارگن یاغلرینی مملکتدن تشقری و ایچکریده کورگزمهده قویهدیلر. اولرگه کوره، مملکتده ایشلب چیقاریلگن زیتون سیناو اوچون، ایتالیاگه یوباریلهدی.
زیتون یاغی بونگه قوشیمچه ساغلیک اوچون جودههم فارملی دیر و شونینگدیک اقتصادی جهتدن منفعتلی بولگن. اوشبو یاغنی ساتهدیگن ساتووچیلر اوندن قولگه کیریتکن محصولدن خرسندلیک بیلدیرهدی. اولرنینگ ایتیشیچه، ننگرهار زیتونی شهرت قازانگن و خلق مملکت ایریم منطقهدن بو یاغ اوچون جلال آباد کیلهدی.
جلال آباد شهری زیتون ساتووچیلریدن بیری فوادنینگ ایتیشیچه، وطنی زیتون یاغی بازار ایچیده یخشی شهرت تاپگن. اونینگ کوپهیتیریشیچه، سونگی ییللرده وطنی زیتون کم بولگن و تقاضاسی کونسایین کوپیماقده.
ننگرهار ولایتی زیتون یاغ ایشلب چیقاریش ایشخانه باشلیغینینگ ایتیشیچه، ننگرهار کانالی قوریلیش لایحهسی باشلنگن چاغیده، اونگه قوشیمچه مذکور ولایتده تورت فارم زیتون قوریلگن و نتیجهده آزمه کوپ بیر میلیون زیتون درختی اوشبو ولایتده ایکیلگن. اوشبو فارملر قوریلیب، زیتون اوچون عملی بولگن چاغیده، زیتون ایشلب چیقاریش ایشخانه ایشی 1357- ییل باشلهنیب و 1363- ییلگچه یکونلنگن.
جناب میاخیلنینگ کوپهیتیریشیچه، حاضر بو ایش خانهده اوچ قسم ماشین بار؛ پاکستانلیک، ایتالیالیک و روسیهلیک دیر. میاخیلگه کوره، زیتون خام بولگن چاغیده اوندن آچار ایشلب چیقاریلهدی و پیشگنیدن کیین اوندن یاغ ایشلب چیقاریلهدی.
حاضر ننگرهار ولایتی زیتون ایشلب چیقاریش ایشخانهسیده یالغیز 60 کیشی ایشلهیدی و اولردن 6 تهسی عیال دییلهدی.
