مملکت ساغلیقنی سلقش وزیرلیگی رسمیلری نینگ ایتیشیچه، سونگی ییللرده ساغلیق خذمتلری یخشیلنگن، بیراق افغانستانده حاضرگه قدر آنهلر و بالهلر اولیم میزانی یوقاری.
رسمیلرگه کوره، کمیده هر بیش بالهدن بیر بالهبیش یاشیگه ییتمسدن هلاک بولهدی و بیش یاشردن قویی 50 فایزدن آشهراق باله کوچسیزلیکدن اذیت چیکهدی.
ساغلیقنی سقلش وزیرلیگی اورین باسری عبدالبصیر، سه شنبه کونی کابلده آنهلرنی حفاظت ایتیش کونینی نشانلش مراسمیده ایتیشیچه، کون شونده ی بیرحالده نشانلنهدی کیم، مملکتدهگی آنهلر «نادانلیک و تعصب» حاکملیگی باعث اویلریده باله دنیاگه کیلتیرهدی.
اونینگ ایتیشیچه، اویلرده باله دنیاگه کیلتیریش اوچون ساغلیق امکانیتی بولمهگنی باعث، آنهلر اولیم میزانی آشیشگه سبب بولهدی.
بیراق، جناب سرورنینگ کوپیتیریشیچه، ساغلیقنی سقلش وزیرلیگی، قابلهلرگه تعلیم بیریب، آنهلر و عایلهلر توشونچهسینی آشیریب، باله دنیاگه کیلتیرهدیگن چاغده، آنهلر و بالهلر اولیمی کمهییشی گه موفق بولگن.
ساغلیقنی سقلش وزیرلیگی رقمیگه کوره، باله دنیاگه کیلتیرهدیگن چاغده آنهلر اولیمی میزانی 100 مینگ تیریک ولادتده 1600 مورددن 327 موردگه کمهیگن.
بیرلشگن ملتلر تشکیلاتی نینگ بالهلردن حمایت ایتووچی دفتری هم بو وضعیت توغریسیده خواطر بیلدیرگن.
بیرلشگن ملتلر تشکیلاتینینگ افغانستان بوییچه بالهلرنی حمایت ایتووچی دفتری نینگ نمایندهسی شیرین وارکینینگ بو مراسمده سوزگه چیقیب ایتیشیچه، حاضرگه قدر هر ییلده تورت مینگ باله و آنه ایریم کسللیکلر باعث هلاک بولهدی.
اونگه کوره، کوپینچه پیتده آنهلر باله دنیاگه کیلتیرهدیگن چاغده هلاک بولهدی و دلیلی هم عایلهلرنی آگاه سیزلیگی دیر.
اونینگ کوپیتیریشیچه، افغانستان اوتکن بیر دهه ده آنهلر اولیمینی باشقریش خصوصیده یخشی یوتوقلرگه ایریشگن بیراق حاضرگه قدر آنهلر و بالهلر اولیمی کوپ بولگن 10 مملکت قطاریده قرار تاپگن.
جناب وارکیگه کوره، آنهلر و بالهلر اولیمی کمهییش توغریسیده ساغلیق خذمتلری اساسی بولیشی لازم.
