سرپل محلی مسئوللری نینگ ایتیشلریچه، طالبان جنگریلری یشش اویلرده هجوم قیلگنی باعث بیر عیال و ایرکک هلاک ایتیلگن.
سرپل پولیسی سوزلاوچیسی نورآغا فیضی نینگ سلاموطندارگه ایتیشیچه، اوشبو حادثه بوگون (شنبه 17- جوزا) ایرتهلب ساعت 2 اطرافیده سرپل – جوزجان قتناو یولی نینگ شرقیده جایلشگن سرپل مرکزی گه تیگیشلی «سیدآباد عربیه» قیشلاغیده یوزبیرگن.
سرپل پولیس سوزلاوچیسی گه کوره، مذکور هجوم عاقبتیده 57 یاشر بیر عیال و 45 یاشر بیر ایرکک هلاک ایتیلگن و شونینگدیک 25 یاشر باشقه بیر عیال یرهلنگن.
اونینگ کوپهیتیریشیچه، مذکور تینچاهالی طالبان آرقهلی نیگه اولدیریلگنی حاضرگچه بیللی بولمهگن.
طالبان گروهی حاضرگچه بو حقده رسانهلرگه هیچ بیر نرسه دیمهگن.
