حج و اوقاف وزیری فیض محمد عثمانینینگ، چهارشنبه کونگی « افغانستانده عیاللر سیاسی اشتراکی، دینی توشینچهلر و سنتی مدنیت» ناملی اولتیریشده سوزگه چیقیش قیلیب ایتیشیچه، دینده عیاللر سیاسی فعالیتلری اوچون هیچ قنقه بیرتوسیق بولمهگن. اما اوتگن نیچه ییلده عیاللر اجتماعی فعالیتی حقیده دین عالملری خلقنی آگاهلنتیرمهگن.
حج و اوقاف وزیرینینگ ایتیشیچه، کیله سی یقین پیتده جمعه نمازلریده عالملر تامانیدن خطبه قندهی اوقیلیشینی تیکشیریش خصوصیده کمیسیون تشکیل بیرهدی.
حج و اوقاف وزیریگه کوره، دین عالملرینینگ عملی ظرفیتلری و اجتماعده عیالرنی سیاسی حضوری توغریسیده بعضی بیر برنامهلر قولگه آلگنلر.
انسان حق حقوق ایرکین کمیسیونینینگ باشلیغی سیماسمر، اجتماعده عیاللرنینگ سیاسی حضوریگه توسیق بولهدیگن اصلی عامللرنی، ناتوغری مدنیت و سنتی توشینچهلرگه اهالی باغلهنیب قالگنلیگی دیب بیلهدی. اونگه کوره، خلقنی آگاهسیزلیگی، سوادسیزلیک و ناتینچلیکلر باعث عیاللر ایریم بولیملرگه حضور تاپه آلمهیدیلر.
خانم سمرگه کوره، هر قندهی اوزگریشلر برابریده سنتی فرهنگ توریشی سیاسی موضوعلرگه باغلیق، بیرقطار کیشیلر شخصی منفعتلرینی شوندهی بیر موضعلر ایچیده ایزلهیدی.
شونینگدیک اوتکن 13 ییلده عیاللر ایریم بولیملرده جملهدن سیاسی، اجتماعی و فرهنگی فعالیتلر بیلن حضور تاپگنلر، بیراق حاضرگه قدر بعضی بیر سنتی توشینچهلر عیاللرگه قرشی توسیق سنلهدی.
