نادولت ملی ادارهلر ییغینیده سوزلهگن افغانستان اقتصاد وزیری عبدالستار مرادنینگ ایتیشیچهَ، مذکور وزیرلیک نادولت ادارهلر قیلمیشیگه ایجابی اوزگریش کیلیتیشرگه سعی وحرکت قیلهدی. شونینگدیک نادولت ادارهلرنینگ شفاف بولمهگن، مالی منبع لر همده اهالی وقتینی صرفلی دیگن شکایتلرگه سبب بولهدیگن فعالیتلر آلدینی آلهدی.
انه شو مناسبت بیلن بوگون کابلده « هماهنگلیکنی کوچلنتیریش، شفافیت و نادولت ادارهلربیلن مساعی تشریک» نامی آستیده اوتکزیلگن ییغینده ملی و خلق ارا نادولت ادارهلر نمایندهلری و اقتصاد وزیری اشتراک قیلگن ایدی.
اقتصاد وزیرلیگی مذکور ییغین اوتکزیلیشدن اساسی نیت هماهنگلیکنی کوچلنتیریش، شفافیت ومرکز داخل ولایتلرده انجولر و دولتی ادارهلر اورتهسیده همکارلیک قیلیش بولگن.
مسووللرگه کوره، دنیا جماعهچیلیگی نینگ فنی و مالی امکانیتلریدن یخشی فایدهلهنیش نادولت ادارهلر آرقهلی خارجی یاردملر جلب ایتیلیب ایجابی صرفلهنیشی و اهالی ایستهگی اساسیده اقتصادی و اجتماعی لایحهلر عملگه آشیریلیشی لازم.
ملی بیرلیک حکومتی اجراییه ریاستی نینگ بیرینچی اورین باسری محمدخان، اوتگن اون تورت ییل جریانیده نا دولت ادارهلرنینگ ایریم ساحهلرده قیلگن ایشلری همده اهالی اوچون ایش زمینهلری یرهتگنلیگینی ایجابی بهالب اقتصاد وزیرلیگی مذکور ادارهلر رواجلهنیشی اوچون سعی وحرکت قیلیشنی سورهگن.
عین حالده، اقتصاد وزیریگه کوره، مذکور وزیرلیک نادولت ادارهلرنینگ ایریم ساحهلرگه کورستگن فعالیتلرینی آلقیشلش بیلن، مملکت اقتصادی وضعیتی یخشی لهنیشی اوچون کوپراق سعی وحرکت قیلیشگه دعوت قیلگن.
شونینگدیک اقتصاد وزیری جناب مراد، خارجی همده نا دولت ادارهلرنینگ تورلی بولیملر جمله دن انسان پرورلیک یاردم لر ییتکزیب بیریش، قابلیتنی آشیریش اقتصادی و اجتماعی ساحهده قیلگن ایشلری اوچون منتدارلیک بیلدیرگن.
ییغینده سوزلهگن افغانستان موسسهلرینینگ هماهنگلیک ادارهسی اعضاسی بریالی عمرزیگه کوره، برچه نادولت ادارهلر اقتصاد یخشی لهنیشی اوچون دولت بیلن همکارلیک قیلیش اوچون تیارلر
اقتصاد وزیرلیگی بلند مرتبهلی رسمیلرنینگ حساباتیگه کوره، مذکور وزیرلیککه 1947انجو رویخطگه آلینگن، بولردن مملکتده ایریم ساحهلرده ایش قیلهدیگن 273تهسی چیت ایللیکلرگه قرهشلی دیر.
