غزنی ولایت کینگشی اعضالریدن بیرقطاری و مذکور ولایت یشاوچیلریدن یوزلرچهسی، بوگون شهر جادهلریدن بیریده ناراضیلیک بیر ییغین اوتکزیب ایتیشیچه، اوشبو رهبرلیگیده تیزلیکده جدی اوزگریش کیریتیلمهگن صورتده، بو ولایت سقوط قیلیشی ممکن؛ چونکه حاضردن 10 تومننینگ مرکزی سقوط عرفهسیده قرار تاپگن.
ولایتی کینگش اعضالریدن بیری حسنرضا یوسفینینگ ایتیشیچه، غزنی ولایتیده یوز بیرگن برچه امنیتی موضوعلر ناتوغری شکلده مرکزگه گزارش بیریلهدی، بیراق اهالی بوندن آرتیق هلاک ایتیلگنلرینینگ جسدلرینی توپراققه قوییش و سیلاولرده اشتراک قیلیشگه قادر ایمس دیر.
بیراق، غزنی حاکمی سوزلاوچیسی محمدعارف نوری، بو بیاناتلرنی رد قیلیب ایتیشیچه، غزنی ولایتینینگ خوفسیزلیگی اوتمیشگه قرهگنده سونگی کونلرده یخشی بولگن. اونینگ اورغولشیچه، امنیتی کوچلر مذکور ولایت خوفسیزلیگی تأمینلنیشی توغریسیده جدی شکلده سعی و حرکت قیلهدیلر و اهالی قورقمسدن سیلاولر لایحهسیده اشتراک قیلیشی کوتیلهدی.
