میدیاگه صحبت بیرگن ایچکی ایشلروزیرلیگی سوزلاوچیسی نجیب دانشنینگ ایتیشیچه، بوگون "دوشنبه" ایرتهلب کابل شهرینینگ شش درک منطقهسیده کیین مه کیین ایکی پارتلش یوز بیرگن.
بیرینچی پارتلش تعلیمات مرکزلریدن بیرینینگ یقینیده موترسایکلگه مینگن بیر هجومچی تامانیدن عملگه آشیریلگن.
سونگی هجوم قندهی بیر شکلده یوز بیرگنی معلوم بولمهگن؛ لیکن ایکینچی هجوم خبرچیلرنینگ آرهسیده یوز بیرگنی ایتیلهدی.
ساغلیقنی سقلش وزیرلیگینینگ سوزلاوچیسی گه کوره، یوز بیرگن ایکی پارتلش نتیجهسیده 21 کیشی هلاک و باشقه 40 کیشی یرهلنگن.
بیراق، کابل پولیس قومندانلیگی سوزلاوچیسی حشمت استانکزی، بو واقعهده 25 کیشی هلاک و باشقه 45 کیشی یرهلنگنینی ایتگن.
آزادی رادیوسیدن نقل بولیشیچه، بو واقعه مسؤولیتینی داعش گروهی تَن آلگن.
