افغانستان والیلری اویوشمهسی نینگ ایتیشیچه، والیلر ولایتلرده دولت رسمی نمایندهسی عنوانیده، نه فقط ایش صلاحیتلری یوق، بلکیم، ایریم بولیملرده قانونی صلاحیتلریدن هم استفاده قیله آلمیدیلر.
بو والیلر بوگون کابلده بیرخبری اولتیریش اوتکزیب، حاضرهم کوپلب ولایتلر سرپرستلر تامانیدن اداره بولهدی، شو اوچون دولت یوکسک بحران بیلن روپهره بولگن دیدیلر.
کابل سابق والیسی و بو اویوشمه اعضالریدن بیری عبدالجبار تقوا نینگ ایتیشیچه، دولتی ادارهلرده کوچ سیزلیکلر باعث، اولکه قیینچلیک تامان بارماقده.
اما محلی ایرکین ادارهلر سوزلاوچیسی منیره یوسزاده نینگ سلاموطندارگه ایتیشیچه، قانون آرقهلی والیلر صلاحیتی انیق بولگن و هر بیر والی باید قانونگه قرهتیب اوز صلاحیتلریدن ایش آلسه.
والیلر اویشمهسی اعضالری نینگ تأکید قیلیب ایتشیلریچه، اولر انتقاد ایمس، بل سابق والیلر تجربهلریدن استفاده قیلیب، حکومتگه اصلاح بولیش لایحهلرینی ارایه قیلماقدهلر. اولرگه کوره، افغانستان حکومتی باید حاضرگی قیینچیلیکلردن چیقیش اوچون لویه جرگهنی اوتکزسه؛ نیگه دیگنده، هردایم افغانستان قیینچیلیکلری لویه جرگه آرقهلی حل ایتیلگن.
سابق والیلردن 65 تهسی، حاضرگی والیلردن 15 کیشی و حاضرگی وزیرلردن 4 تهسی افغانستان والیلری اویشمهسی نینگ عضویتینی آلگنلر.
