افغانستان سنا مجلسینینگ بیر قطار اعضالری ننگرهار ولایتینینگ ایریم منطقهلریده داعش گروهی فعالیتگه باشلهگن لیگیدن خواطر بیلدیرگنلر.
سنا مجلسینینگ باشلیغی فضلهادی مسلمیارنینگ ایتیشیچه، افغان ملی کوچلری ترورچیلر فعالیتینی هر ییرده بولیشیگه قرهمی بیکار ایتیشی شرط.
مسلمیار، حکومت بو مساله اوچون جدی اعتبار قرتمهگن حالده، حکومتنینگ سیاستی شکستگه روپه ره بولیشی ممکن دیگن.
اوتگن کون سنا مجلسینینگ عمومی ییغینیده نمایندهلرنینگ ایریملری مملکت بویلب نا برقرارلیکلر میزانی آشگنلیگیدن جدی خواطر بیلدیلرگنلر.
سنا مجلسی نینگ اعضالریدن لطفالله بابا، حاضرگی کونده ننگرهار ولایتی نینگ اون تورت ولسواللیگیده داعش فعالیتگه باشلهگن لیگینی بیلدیرگن.
جناب بابا، «اروکزی» و «افریدی» قومیگه منسوب داعش اعضالری پاکستان استخبارات ادارهسی تامانیدن حمایهلهنیشی نی ایتگن.
سنا مجلسی نینگ اوشبو اعضاسی مذکور گروه نینگ کیشیلری کوت و چپرهار ولسواللیکلریده آدملر باشینی کسیب، بو ولسواللیکلرده ایرکین فعالیتگه باشلهگن.
شونینگدیک جناب بابا، حکومت موضوع اوچون بی فرق یاندهشگن حالده، مذکور ولایتنینگ کوپچیلیک ولسواللیکلری تیزلیکده داعش تصرفیگه اوتیشدن آگاهلنتیرگن.
سنامجلسی نینگ کاتبی عبدالله قرلوق نینگ سوزلریگه کوره، کون ساین اوتیشی بیلن نابرارقرارلیکلر آشیب بارماقده، اما حکومت مساله اوچون هنوز بی فرق دیر.
شونینگدیک جناب قرلوق، قندوز ولایتینینگ خوفسیزلیک وضعیتی یامان لیگی بارهسیده نیچه مرته دولت بلند مرتبهلی رسمیلریگه ایتگن، لیکن موضوع اوچون اونچهلیک اعتبار قرهتیلمهگن دیگن.
اوتگن کون، قندوز ولایتینینگ چهاردره ولسواللیگی جنگری طالبلر تامانیدن تصرف ایتیلگنی خبر قیلیندی. عینحالده، مجلس نینگ اعضالری قندوز ولایتی غلامعلی ولسواللیگیده ملی کوچلرنینگ 60 نفری قوراللی طالبلر قورشاوویده قالگنلیگینی ایتگنلر.
افغانستان بویلب خوفسیزلیک میزانی آشگن بیر چاغده، مملکت پارلمانی هم جنوبی ولایت ننگرهارده داعش فعالیتی آشگنلیگیدن خواطر بیلدیرگن ایدی.
بو قبیل سوزلر، بدخشان ولایتی نینگ یمگان ولسوااللیگی ایکی هفتهدن سونگ جنگری طالبلر تصرفیدن آزاد ایتیلگن بیر پیتده تیلگه آلینماقده.
