جمهور رییس غنی، اوغیرلنگن 31 یولاوچی عایلهسی بیلن اوچرهشیب ایتیشیچه، کیشی هیچ کیشینی ضمانت قیله آلمیدی و یولاوچیلر عایله اعضاسی اولر اوچون دعا قیلسینلر.
اوتکزیلگن 10 دقیقهلیک اوچره شوو چهارشنبه کونی ملی امنیت کینگشیده بجریلدی.
شونینگدیک جمهور رییسنینگ مذکور اوچره شووده ایتیشیچه، اوغیرلنگنلر قویب یوباریلیشینی کیشی پیشبینلیک قیله آلمیدی؛ اما حکومت اولرنی قویب یوباریلیشی اوچون اوز تلاشلرینی قیلهدی.
اوغیرلنگن یولاوچیلردن بیرینینگ ایناغهسی علیمحمد، جمهور رییس غنی بیلن اوتکزگن اوچره شووده، اونگه کوره، نیگه حکومت اوغیرلنگن یولاوچیلر عایلهسی اوچون جواب بیرمهیدی دیگن سوراق توغری سیده سکوت اختیار قیلگن.
او، اگر حکومت اوغیرلنگن 31 یولاوچی قویب یوباریلیشی اوچون بیر ایش قیلمهگن صورتده، عایله اعضاسی بیلن جمهورلیک ریاست ایشیگیده اوزلرینی الاو بیرهدیلر.
کابل- قندهار شاه یولیدن اوغیرلنگن 31 یولاوچی قضیهسیدن چمهسی ایکی آی اوتهدی، اما مذکور یولاوچیلردن هیچ بیرخبریوق و دولت بولرنی قویب یوباریلیشی اوچون هیچ ایش قیلمهگن.
ناراضلیکلر دوامی
افغانستان اردو کوچلریگه بدخشان، بلخ، غزنی، فاریاب ولایتلریده آغیر تلفات وارد بولیشی و اوغیرلنگن 31 یولاوچی سرنوشتی معلوم بولمهگنی ایزیدن، کابلده ملی همبستهگی حزبینینگ اعضاسی « طالبلر اولسین، داعش اولسین، امیریکه اولسین» دیگن شعارلر بیلن ناراضلیک اوتکزدیلر.
مذکور حزب باشلیغی حسیبالله راسخ ایتشیچه، اولر مذکور ناراضلیکنی اوغیرلنگن 31 یولاوچی و بدخشاندهگی سونگی توقنه شوولر اوچون حکومت رسمیلرینینگ پروا سیز قالیشلری قرشی یولگه قویگن.
مذکور ناراضلیک یولاوچیلریدن افغانستان سینماچیسی صدیق عابدیگه کوره، ایکی آیدن بویان جمهور رییس غنی آسایشتهلیک بیلن یشهیدی و خلق وضعیتیدن خبری یوق.
عابدی جمهور رییسگه خطاب، خلق سوراقلریگه جواب بیریشینی سورهدی. اونینگ ایتیشیچه، بدخشاندهگی اردو کوچلرینینگ رحمسیزلیک بیلن اولدیریلیشی و 31 یولاوچی مساله سیگه نیمه عنوان بیریشینی بیلمیدی.
ناراضلیک کورستگنلر افغانستان خلقیدن مذکور خشونتلرنی اورتهدن ایلتیش اوچون بیر بیرگه قول بیریب قضیهنی باغله سینلر. شونینگدیک اعتراض چیلرگه کوره، بولرگه توجه بولمه گن صورتده جمهورلیک ریاست سراییده هجوم ایلتهمیز دیب هشدار بیردیلر.
اجتماعی عدالت و مدنی جنبش هم پنجشنبه کونی سونگی بیر آیده بولیب اوتگن ناتینچلیکلر اوچون حکومت رسمیلرینی اصلی گناه کار بیلهدی.
مذکور جنبش باشلیغی احمد ذکینینگ ایتیشیچه، ناتینچلیکلر کوپهیب باریشی پایتختده فرخندهنی اولدیردیلر و الاو بیردیلر و نیچهلردی هم باشی کیسیلدی؛ اما حکومت ینه هم تفاوتسیز و راحت دیر.
اجتماعی عدالت و مدنی جنبش بیر اعلامیه صادر قیلیشی بیلن حکومتدن دشمنگه بوشلیکلردن استفاده قیلیش مجالی بیرلمسلیگی اوچون دفاع وزیری بیلن قورالی باش قومندانلرینی تیزلیکده معرفی قیلیشلرینی ایستیدی.
طالبلر بدخشان ولایتینینگ جرم تومنیدهگی 7 کون آلدینگی هجومیده، اردو کوچلریدن 58 کیشینی هلاکتگه ایتکیزدی. اولر مذکور عسکرلردن کوپی سینی رحمسیزلیک بیلن سویگن ایدی.
اولکهده یوز بیریب کیله دیگن سونگی واقعهلر، تینچ اهالی و مدنی جماعهچیلیک فعاللرینینگ قتیق قرمه قرشیلیگی بیلن یوزمه یوز بولدی. اولر ملی بیرلیک حکومت باشلیغلرینی مذکور واقعهلر اساسیده، اوز شخصی منفعتلرینی اویلیدیلرو امنیت و خلق آسایشتهلیگی اوچون فکر قیلمه سلیککه متهم قیلهدیلر.
