هلمند والیسی نینگ سوزلاووچیسی عمرزواک، بوگون (سهشنبه) ایرتلب اوچ انتحارچی قوم بویوکلریدن بیری خدایدادنینگ یشش اوییده اوزلرینی پارتلهتیب یوبارگنی حقیده خبر بیردی. سوزلاووچی، اوشبو قوم یاش اولوغی اوییده محل یشاووچیلری همده آقسقاللر اشتراکیده ییغین جریانی بولگن بیر پیتده هجومچیلر فرصتدن فایدهلهنیب اوزلرینی ایچکریگه ییتکزیب پارتلتگنلر دیگن.
پارتلشده اوچ کیشی قربان بولیب باشقه 7 نفر تن جراحتی آلگن دیدی عمر زواک. قربانلرنینگ برچهسی تینچ اهالی ایکنلیگی ایتیلهدی. نامی فاش ایتیلمسلیک شرطی بیلن سلاموطندارگه صحبت بیرگن امنیتی بیر منبع، پارتلشده قربان بولگنلرنینگ برچهسی ملی امنیت ریاستی نینگ خادملری دیگن.
اونینگ سوزلریگه کوره، حادثه عملگه آشیریلمسدن آلدین بو حقیده معلوماتلری بولگن.
ییتکرمهلرگه پیام یوبارگن قوراللی طالبلرنینگ سوزلاووچیسی قاری یوسف احمدی، هجومده 10 کیشی حیاتدن کوز یومیب باشقه 7 نفر یرهلنگن دیگن.
لیکن، ولایت محلی رسمیلری هنوزگچه بو حقیده تفصیلات بیرمهگنلر.
