خوست ولایت کینگشی اعضاسی وکیلخان میرزازینینگ ایتیشیچه، بوگون ایرتهلب طالبلرنینگ کییمینی کییگن پاکستان حربی کوچلری دیورند چیگرهسیدن اوتیب، زازی میدان تومنیدهگی مردمی کوچلرنینگ اوستیگه هجوم قیلگن.
اوشبو ولایت کینگشی اعضاسیگه کوره، مذکور توقنهشووده پاکستان کوچلریدن 4 کیشی و مردمی کوچلردن 3 کیشی هلاک بولگن.
اونینگ کوپهیتیریشیچه، بو حادثه زازی میدان تومنینینگ سیدوکندوی منطقهسیده یوز بیرگن و پاکستان کوچلری مذکور هجومده هاوان اوقیدن فایدهلنگن.
باشقه بیر تاماندن، خوست پولیس سوزلاوچیسی عبدالبصیر بینانینگ سلاموطندارگه ایتیشیچه، بو آتیشمه پاکستان کوچلری تامانیدن باشلنگن و حاضرگهقدر پاکستان کوچلریدن 7 کیشی و مردمی کوچلردن 3 کیشی هلاک بولگن.
اونینگ ایتیشیچه، آتیشمهلرنی دوامی بار و یاردمچی کوچلر محلگه یوباریلگن.
خوستنینگ زازی میدان تومنیده بوندهی حادثهلر ایریم پیتلر یوز بیرهدی.
