افغانستان ایرکین میدیالریدن حمایت قیلووچی نهاد (نی) بیر اعلامیه آرقهلی شهربانو هفتهنامهسی نینگ باش کاتبی و آرمان شهر رادیوسی نینگ مسئول مدیری سید عظیم هاشمی دن نقل قیلیب یازیشیچه، بغلان ولایت مرکزی پلخمری شهریده یول چیککهسیده جایلشتیریلگن ماین پارتلش عاقبتی ده، مذکور ایکی رسانه گه مالی ضرر ییتیشگن.
نی ایچکی ایشلر وزیرلیگی و ملی خوفسیزلیک ریاستیدن رسانهلرنینگ خوفسیزلیگی تأمینلنیشی حقیده توجه قیلیشلرینی سورهگن.
شونینگدیک نی بغلان ملی خوفسیزلیک ریاستی و پولیس قومندانلیگیدن بو حادثه نی تیکشیریشلری نی سورهگن.
بوگون چهارشنبه ایرتهلب بغلان پولیسی نینگ ایتیشیچه، مذکور حادثه اوتگن کیچه (سه شنبه ۲۱- اسد) ساعت ۸ اطرافیده یوزبیرگن.
بغلان نینگ پولیسی گه کوره، اوشبو ماین دولت گه قرشی قوراللی گروهلر آرقهلی ییرلشتیریلگن.
شهربانو هفتهنامهسی و آرمان رادیوسی نینگ مسئول مدیری عظیم هاشمی نینگ سلاموطندارگه ایتیشیچه، بو پارتلش ده اوشبو رادیو نینگ بناسینی شیشهلری سینیب توکیلگن.
بغلان ده خبرچیلرنینگ خوفسیزلیگی نی سقلهش کمیته نی ولایتی مسئولی فهیم نیکزاد مذکور ولایت نینگ ملی خوفسیزلیک ریاستی و پولیس قومندانلیگیدن بو حادثه نی تیکشیریشلرینی سورهگن.
