.jpg)
جوزجان ولایتینینگ درزاب و قوشتپه تومنلریده داعش بیلن طالب اوروشگن.
جوزجان امنیتی رسمیلرینینگ ایتیشیچه، اوتگن کون کیچ قورون، درزاب تومنینینگ آقسای، کمرلی و خاکشهیدان و قوشتپه تومنینینگ چقمهچقور منطقهلریده داعش بیلن طالب اوروشگن و بو اوروش حاضرگچه دوام ایتماقده.
جوزجان امنیه قومندانی رحمتالله ترکستانینینگ سلاموطندارگه ایتیشیچه، مذکور ایکی گروه آرهسیده یوز بیرگن آتیشمهده، قوراللی طالبلر تامانیدن قوشتپه تومنی اوچون ولسوال قیلیب تعیین ایتیلگن شیخ حمیدالله و شهزاده مظلومیار ناملی بیر ییریک اعضاسی شامل 60 جنگری طالب هلاک ایتیلگن و باشقه 30 اعضاسی یرهلنگن.
اونگه کوره، بو آتیشمهده 5 داعش هلاک ایتیلگن و باشقه 4 داعش یرهلنگن.
جناب ترکستانینینگ ایتیشیچه، داعش و طالبلرنینگ آرهسیده یوز بیرگن آتیشمه، نیچه وقت آلدین، داعش گروهی قوراللی طالبلرنینگ بیر ییریک اعضاسی شامل مخدره مادهنینگ اوچ قاچاقچیسینی دشت لیلیدن 100 میلیون افغانی بیلن اوغیرلگنیدن کیین یوز بیرگن.
جوزجان امنیه قومندانینینگ کوپهیتیریشیچه، مذکور کیشیلر، فراه، بادغیس و هرات ولایتلریدن کوکنار ایکینی و طالبلرگه پول بیریش اوچون جوزجان کیلگن ایکنلر.
درزاب تومنیده داعش و طالبلرنینگ آرهسیده یوز بیرگن آتیشمهنی تصدیقلگن جوزجان حاکمی سوزلاوچیسی محمدرضا غفورینینگ ایتیشیچه، ایکی تامانگه آغیر تلفات ییتکیزیلگن، بیراق حاضرگچه بو واقعهدن دقیق رقم قولگه کیریتیلمهگن.
شونینگدیک، قوشتپه تومنینینگ چقمهچقور منطقهسیده، اوشبو ایکی گروه آرهسیده آتیشمه دوام ایتماقده، بیراق حاضرگچه تلفاتی توغریسیده دقیق رقم بیریلمهگن.
داعش و طالبلر، حاضرگچه بو توغریده میدیاگه هیچ نرسه دیمهگنلر.
