افغانستان نمایندهلر کینگشی اعضالرینینگ ایتیشیچه، امنیتی کوچلرنینگ فعالیتلری قانیقرلی بولمهگنی، خیالی پولیسلر موجودلیگی، محلی قومندانلر و مردمی کوچلر آرهسیده تیزیمسیزلیک و شخصی قماقخانهلر موجودلیگی باعث، ناتینچلیکلر شدتلنیب و تومنلر عصیانچیلرنینگ نظارتیگه اوتهدی.
نمایندهلر کینگشیده ارزگان اهالیسینینگ نمایندهسی عبیدالله بارکزی، مذکور ولایتده خیالی پولیسلر و شخصی قماقخانهلر موجودلیگیدن خبر بیرهدی. اونینگ ایتیشیچه، پولیس تشکیلاتیده بولگن 4625 پولیسدن یالغیز 1700 پولیس موجود و باشقهسی وظیفهگه حاضر بولمهیدی یا-ده موجود ایمس.
فاریاب اهالیسینینگ نمایندهسی حاجی محمدهاشمنینگ ایتیشیچه، فاریاب ولایتیده موجود وضعیتگه قرهگنده، امنیتی ادارهلرنینگ فعالیتلری قانیقرلی ایمس دیر و بو توغریده ملی مدافعه، ایچکی ایشلر وزیرلیکلری و ملی خوفسیزلیک عمومی ریاست مسؤوللری چاره تدبیر کوریشلری لازم.
پران ولایتی افغانستاننینگ تینچ ولایتلریدن بیری سنلهدی، بیراق ذکیه سنگینینگ ایشانچی گه کوره، بو ولایت امنیتی تهدیدگه روپهره بولیب تورگن و امنیتی تشکیلات ییترلی ایمس دیر.
بیراق، ایچکی ایشلر وزیرلیگی سوزلاوچیسی نجیب دانش، خیالی پولیسلر و شخصی قماقخانهلر موجودلیگینی رد قیلیب ایتیشیچه، شخصی قماقخانهلر موجودلیگینی ادعا قیلگنلر حجت بیلن صحبت قیلیشلری کیرهک.
شونینگدیک، جناب دانشنینگ ایتیشیچه، خیالی پولیسلر موجودلیگی بیر شایعه دیر، چونکه ایچکی ایشلر وزیرلیگی، دقیق و دیتابس اساسیده، پولیس کوچلریگه معاش بیرهدی.
عین حالده، سونگی کونلر مملکتنینگ ایریم ولایتلری اینیقسه چیگرهیی ولایتلر ناتینچ بولگن و بو موضوع اهالینی خواطرگه سالگن.
